Noo Mian 15:28 - Yn Conaant Noa 1810

²⁸ Er shen dansoor Yeesey, as dooyrt eh r’ee, O ven, s’mooar ta dty chredjue: yn aghin t’ou dy yeearree dy row ayd. As va’n inneen eck er ny lheihys veih’n oor cheddin.

Yn Vible Casherick 1775 1819

²⁸ Er shen dansoor Yeesey, as dooyrt eh r’ee, O ven, s’mooar ta dty chredjue: yn aghin t’ou dy yeearree dy row ayd. As va’n inneen eck er ny lheihys veih’n oor cheddin.

Noo Mian 1748

²⁸ Er shen dansoor Yeesey as doort e ree, O ven, moar ta dty chredjue: yn aghin t’ow dy yearree dy row ayd. As va’n inneen eck er ny leihys veih’n oor keddyn.

Noo Mian 15:28 ပူးပေါင်းရင်းမြစ်များ

Noo Mian 14:31

As ayns y tullogh, heeyn Yeesey magh e laue, as haare eh eh, as dooyrt eh rish, O ghooinney faase‐chredjuagh, cre’n‐fa v’ou mee‐ouryssagh?

Noo Mian 15:27

S’feer shen, Hiarn, dooyrt ish: foast ta ny moddee gee jeh’n vrooillagh ta tuittym jeh boayrd nyn mainshter.

Noo Mian 8:10

Tra cheayll Yeesey shoh ghow eh yindys, as dooyrt eh roosyn va geiyrt er, Dy firrinagh ta mee gra riu, Lheid y credjue lajer shoh, cha vel mee er gheddyn ayns Israel hene.

Noo Mian 8:13

As dooyrt Yeesey rish y centurion, Immee royd, as ’naght myr t’ou er chredjal, myr shen dy jig oo jeh. As va e er‐mooinjerey er ny lheihys ayns yn oor cheddin.

Noo Mian 9:22

Agh hyndaa Yeesey mygeayrt, as tra honnick eh ee, dooyrt eh, Inneen, bee dy yien mie; ta dty chredjue er dty laanaghey. As va’n ven er ny lheihys veih yn oor shen magh.)

Noo Mark 5:34

As dooyrt eh r’ee, Inneen, ta dty chredjue er dty laanaghey; immee ayns shee, as bee slane jeh dty ghoghan).

Noo Luke 17:5

As dooyrt ny ostyllyn rish y Chiarn, Bishee yn credjue ainyn.

Noo Luke 7:50

As dooyrt eh rish y ven, Ta dty chredjue er dty hauail; immee ayns shee.

Noo Luke 7:9

Tra cheayll Yeesey shoh, ghow eh yindys, as hyndaa eh mygeayrt, as dooyrt eh rish y pobble va geiyrt er, Ta mee gra riu, Lheid y chredjue lajer shoh, cha vel mee er gheddyn ayns Israel hene.

2 Thessalonianee 1:3

Ta shin kianlt dy choyrt booise kinjagh gys Jee er nyn son eu, vraaraghyn, myr te cooie, son dy vel y credjue eu cheet er‐ash ny smoo as ny smoo, as graih dagh unnane eu dy cheilley bishaghey.