Noo Mian 14:36 - Yn Conaant Noa 1810

³⁶ As ghuee ad er, ynrycan dy ventyn rish oirr e gharmad: as whilleen as venn rish, v’ad er nyn lheihys.

Yn Vible Casherick 1775 1819

³⁶ As ghuee ad er, ynrycan dy ventyn rish oirr e gharmad: as whilleen as venn rish, v’ad er nyn lheihys.

Noo Mian 1748

³⁶ As ghuee ad er, ad ny lomarcan dy vennalt rish oirr e gharmad: as chooilleen as venn rish, va’d er nyn leihys.

Noo Mian 14:36 ပူးပေါင်းရင်းမြစ်များ

Noo Mian 14:35

As tra hoig cummaltee yn voayl shen quoi v’eh, hug ad fys magh gys ooilley yn cheer mygeayrt, as hug ad lhieu huggey ooilley adsyn va doghanit.

Noo Mian 23:5

Agh ooilley nyn obbraghyn t’ad dy yannoo dy ve cronnit liorish deiney: t’ad jannoo lhean ny phylactereeyn oc, as ceau chem‐mallyn mooarey er nyn gharmadyn,

Noo Mark 3:10

Son v’eh er laanaghey ymmodee, ayns wheesh as dy row ad chionney stiagh huggey, dy ventyn rish, whilleen as va dourinagh.

Noo Mark 6:56

As raad erbee dy jagh eh, gys baljyn‐cheerey, ny ard‐valjyn, ny er y cheer, lhie ad yn vooinjer hingey ayns ny raaidyn, as ghuee ad er agh dy ventyn rish oirr e gharmad: as whilleen as venn rish, v’ad er nyn lheihys.

Noo Mark 8:22

As haink eh gys Bethsaida, as hug ad lhieu dooinney doal huggey, as ghuee ad er eh dy ventyn rish.

Noo Luke 6:19

As va’n slane chaglym shirrey bentyn rish: son va bree goll magh ass, va dyn lheihys ad ooilley.

Noo Ean 6:37

Hig adsyn ooilley hym’s ta’n Ayr dy chur dou; as eshyn ta cheet hym, cha jeanym er aght erbee y yiooldey voym.

Noo Ean 7:23

My ta dooinney er y doonaght goaill giarey‐chymmylt, son nagh bee leigh Voses er ny vrishey; vel shiuish jymmoosagh rhym’s, son dy vel mee er n’yannoo dooinney ooilley magh slane er y doonaght?

Jannoo 3:16

As yn ennym echeysyn trooid credjue ayns yn ennym cheddin t’er chur niart da’n dooinney shoh, ta shiu dy akin, as er ta enney eu: dy jarroo, she credjue aynsyn t’er n’obbraghey yn couyr breeoil shoh ersyn ’syn enish eu ooilley.