Noo Mian 14:31 - Yn Conaant Noa 1810

³¹ As ayns y tullogh, heeyn Yeesey magh e laue, as haare eh eh, as dooyrt eh rish, O ghooinney faase‐chredjuagh, cre’n‐fa v’ou mee‐ouryssagh?

Yn Vible Casherick 1775 1819

³¹ As ayns y tullogh, heeyn Yeesey magh e laue, as haare eh eh, as dooyrt eh rish, O ghooinney faase-chredjuagh, cre’n-fa v’ou mee-ouryssagh?

Noo Mian 1748

³¹ As ayns y tullogh heen Yeesey magh e laue, as haar e e, as doort e rish, O ghooinney faase-chredjuagh, cre’n fa v’ow ayns imnea?

Noo Mian 14:31 ပူးပေါင်းရင်းမြစ်များ

Noo Mian 14:30

Agh gennaghtyn yn gheay rastagh, v’eh agglit: as aarloo dy gholl fo, dyllee eh, gra, Hiarn saue mee.

Noo Mian 14:32

As tra v’ad er n’gholl er‐board y lhong, huitt yn gheay.

Noo Mian 16:8

Tra hoig Yeesey shoh, dooyrt eh roo, Gheiney faase‐chredjuagh, cre’n‐fa ta shiu resooney riu hene son nagh dug shiu lhieu arran?

Noo Mian 17:20

Dooyrt Yeesey roo, Kyndagh rish nyn gredjue moal: son dy firrinagh ta mee gra riu, Dy beagh nyn gredjue wheesh grine dy rass mustard, jirragh shiu rish y slieau shoh, Scugh veih shoh noon gys shid, as nee eh scughey: as cha bee nhee erbee ro‐ghoillee diu.

Noo Mian 6:30

My ta Jee er‐y‐fa shen myr shoh coamrey blaa ny magheragh, ta jiu ayn, as mairagh ceaut ayns yn oghe, nagh jean eh foddey smoo shiuish y choamrey, O gheiney faase‐chredjuagh?

Noo Mian 8:26

As dooyrt eh rhoo. Cre’n fa ta shiu agglagh, shiuish dy chredjue moal? Eisht dirree eh, as hug eh yn gheay, as yn aarkey fo‐harey, as va kiuney vooar ayn.

Noo Mark 1:31

As haink eh as ghow eh ee er y laue, as hrog eh seose ee; as chelleeragh daag y chiassaghey ee, as ren ee shirveish orroo.

Noo Mark 1:41

As va Yeesey er ny veiyghey lesh chymmey, as heeyn eh magh e laue, as venn eh rish, as dooyrt eh, M’aigney’s eh, bee er dty ghlenney.

Noo Mark 11:23

Son dy firrinagh ta mee gra riu, Quoi‐erbee jir rish y slieau shoh, Bee er dty scughey, as er dty hilgey ayns y cheayn, as nagh jean mee‐ourys ayns e chree, agh ta credjal dy jig ny reddyn t’eh dy ghra gy‐kione, bee shen ny jir eh er ny chooilleeney.

Noo Mark 16:7

Agh immee‐jee reue, insh‐jee da e ostyllyn as da Peddyr dy vel eh goll reue gys Galilee: shen‐y‐raad hee shiu eh, myr dooyrt eh riu.

Noo Mark 4:40

As dooyrt eh roo, Cre’n‐fa ta shiu cha agglagh? kys te nagh vel credjue eu?

Noo Mark 5:41

As ghow eh yn ven‐aeg er laue, as dooyrt eh r’ee, Talitha cumi, ta shen dy ghra, Ven‐aeg (ta mee gra rhyt) irree.

Noo Luke 24:34

Dooyrt roo, Ta’n Chiarn er n’irree son shickyrys, as v’eh er ny akin liorish Simon.

Jannoo 4:30

Liorish sheeyney magh dty laue dy lheihys: as dy vod cowraghyn as yindyssyn v’er nyn yannoo liorish ennym dty lhiannoo casherick Yeesey.

1 Timothy 2:8

Saillym er‐y‐fa shen dy jean deiney padjer y ghoaill dy chooilley raad, troggal seose laueyn glen, fegooish corree as mee‐hreishteil:

1 Peddyr 1:5

Ta er nyn vendeil liorish pooar Yee trooid credjue gys saualtys, aarloo dy ve er ny hoilshaghey ec y laa jerrinagh.