Noo Mian 14:23 - Yn Conaant Noa 1810

²³ As tra v’eh er chur y pobble ersooyl, hie eh hene er‐lheh seose er slieau, dy ghoaill padjer: as tra va’n fastyr er jeet, v’eh ayns shen ny lomarcan.

Yn Vible Casherick 1775 1819

²³ As tra v’eh er chur y pobble ersooyl, hie eh-hene er-lheh seose er slieau, dy ghoaill padjer: as tra va’n fastyr er jeet, v’eh ayns shen ny-lomarcan.

Noo Mian 1748

²³ As tra ve er chur yn pobble ersooyl, hie [e] hene er lieh seose er slieau, dy ghoal padjer: as tra va’n fastyr er jeet, ve ayns shen ny lomarcan.

Noo Mian 14:23 ပူးပေါင်းရင်းမြစ်များ

Noo Mian 26:36

Eisht haink Yeesey mâroo gys ynnyd va enmyssit Gethsemane, as dooyrt eh rish ny ostyllyn, Soie‐jee shiuish ayns shoh, choud as hem’s gys padjer ’sy voayl shid.

Noo Mian 6:6

Agh uss, tra t’ou goaill padjer, immee stiagh ayns dty hiamyr; as dooney dty ghorrys, guee gys dty Ayr dy follit, as nee dty Ayr ta fakin ny ta jeant dy follit, leagh y chur dhyt dy foshlit.

Noo Mark 1:35

As moghrey laa ny vairagh dirree eh foddey roish y laa, as hie eh magh, as jimmee eh gys boayl faasagh, as ayns shen ghow eh padjer.

Noo Mark 6:46

As tra v’eh er chur ad ersooyl, hie eh seose er slieau dy ghoaill padjer.

Noo Luke 3:21

Nish tra va ooilley’n pobble er nyn mashtey, haink eh gykione dy row Yeesey myrgeddin er ny vashtey, as ghow eh padjer, as va niau er ny osley;

Noo Luke 5:16

Agh hie eshyn eh hene roish gys yn aasagh, dy ghoaill padjer.

Noo Luke 6:12

As haink eh gy‐kione ayns ny laghyn shen, dy jagh eh seose er slieau dy ghoaill padjer, as dy ren eh tannaghtyn fud ny hoie ayns padjer gys Jee.

Noo Luke 9:18

As haink eh gy‐kione, myr v’eh ec padjer ayns ynnyd er‐lheh, as e ostyllyn mârish: dy dênee eh jeu, gra, Cre ta’n pobble dy ghra my mychione’s, quoi mee?

Noo Luke 9:28

As haink eh gy‐kione mygeayrt hoght laa lurg ny raaghyn shoh, dy ghow eh mârish, Peddyr as Ean as Jamys, as dy jagh eh seose er slieau dy ghoaill padjer.

Jannoo 6:4

Agh nee shinyn tannaghtyn kinjagh dy hirveish ayns padjer as preacheil y goo.