Noo Mian 14:19 - Yn Conaant Noa 1810

¹⁹ As doardee eh yn pobble dy hoie sheese er y faiyr, as ghow eh ny queig bwilleenyn as y daa eeast, as yeeagh eh seose gys niau, as vannee eh, as vrish eh, as hug eh ny bwilleenyn da ny ostyllyn, as hirveish adsyn ad er y pobble.

Yn Vible Casherick 1775 1819

¹⁹ As doardee eh yn pobble dy hoie sheese er y faiyr, as ghow eh ny queig bwilleenyn as y daa eeast, as yeeagh eh seose gys niau, as vannee eh, as vrish eh, as hug eh ny bwilleenyn da ny ostyllyn, as hirveish adsyn ad er y pobble.

Noo Mian 1748

¹⁹ As hug e sarey da’n pobble dy hoie sheese er y faiyr, as ghow e ny queg bwilleenyn as y daa eeast, as yeagh e seose gys niau, as vannee e, as vrish e as hug e ny bwilleenyn dauesyn va sheer marish, as hug adsyn ad da’n pobble.

Noo Mian 14:19 ပူးပေါင်းရင်းမြစ်များ

Noo Mian 14:18

Dooyrt eshyn, Cur‐jee lhieu ad ayns shoh hym’s.

Noo Mark 6:39

As doardee eh daue ad dy chur orroo ooilley soie sheese ayns sheshaghtyn er yn aiyr ghlass.

Noo Mark 6:41

As tra v’eh er ghoaill ny queig bwilleenyn as y daa eeast, yeeagh eh seose gys niau, as vannee eh, as vrish eh ny bwilleenyn, as hug eh ad da e ostyllyn dy hoiaghey rhymboo; as y daa eeast rheynn eh ny mast’ oc ooilley.

Noo Mark 7:34

As yeeagh eh seose gys niau, as lhig eh osney, as dooyrt eh rish, Ephphatha, ta shen, Bee foshlit.

Noo Luke 22:17

As ghow eh yn cappan, as hug eh booise, as dooyrt eh, Gow‐jee shoh, as rheynn‐jee eh ny mast’ eu hene.

Noo Luke 22:19

As ghow eh arran, as hug eh booise, as vrish eh eh, as hug eh eh daue, gra, Shoh my chorp t’er ny choyrt er nyn son eu: shoh jean‐jee ayns cooinaghtyn jeem’s.

Noo Luke 24:30

As haink eh gy‐kione, myr v’eh ny hoie ec bee mâroo, dy ghow eh arran, as vannee eh, as vrish eh, as hirveish eh orroo eh.

Noo Luke 9:14

Son v’ad mysh queig thousane dooinney. As dooyrt eh rish e ostyllyn, Cur‐jee orroo soie sheese, jeih as da‐eed ayns sheshaght.

Noo Luke 9:16

Eisht ghow eh ny queig bwilleenyn as y daa eeast, as yeeagh eh seose gys niau, as vannee eh, as vrish eh, as hug eh ad da e ostyllyn dy hoiaghey roish y pobble.

Noo Ean 11:41

Eisht scugh ad y chlagh jeh’n boayl raad va’n Marroo ny lhie. As hrog Yeesey seose e hooillyn, as dooyrt eh, Ayr, ta mee cur booise dhyt dy vel oo er my chlashtyn.

Noo Ean 6:23

(Ny‐yeih va baatyn elley er jeet veih Tiberias, er‐gerrey da’n boayl ren ad arran y ee ayn erreish da’n Chiarn v’er chur booise)

Jannoo 27:35

As tra v’eh er ghra shoh, ghow eh arran, as hug eh booise da Jee, ayns yn enish oc ooilley, as vrish eh eh, as ren eh toshiaght dy ee.

Romanee 14:6

Eshyn ta freaylley’n laa, t’eh freaylley eh gys y Chiarn; as eshyn nagh vel freaylley’n laa, gys y Chiarn cha vel eh dy reaylley eh. Eshyn ta gee, t’eh gee gys y Chiarn, son t’eh coyrt booise da Jee; as eshyn nagh vel gee, gys y Chiarn cha vel eh gee, as t’eh coyrt booise da Jee.

1 Corinthianee 10:16

Yn cappan dy vannaght ta shin dy oltaghey, nagh nee shoh dy ghoaill ayrn jeh fuill Chreest? Yn arran ta shin dy vrishey, nagh nee shoh dy ghoaill ayrn jeh corp Chreest?

1 Corinthianee 10:31

Shen‐y‐fa edyr shiu ve gee ny giu, ny cre‐erbee ta shiu dy yannoo, jean‐jee ooilley gys gloyr Yee.

1 Corinthianee 11:24

As tra v’eh er choyrt booise, vrish eh eh, as dooyrt eh, Gow‐jee, ee‐jee; shoh my chorp’s t’er ny vrishey er nyn son eu: jean‐jee shoh ayns cooinaghtyn jeem’s.

Colossianee 3:17

As cre‐erbee ta shiu gra ny jannoo, jean‐jee ooilley ayns ennym y Chiarn Yeesey, coyrt booise da Jee dy jarroo yn Ayr ny hrooidsyn.