Noo Mian 13:42 - Yn Conaant Noa 1810

⁴² As tilgee ad ad ayns coirrey aileagh: ayns shen vees keayney as snaggeraght feeacklyn.

Yn Vible Casherick 1775 1819

⁴² As tilgee ad ad ayns coirrey aileagh: ayns shen vees keayney as snaggeraght feeacklyn.

Noo Mian 1748

⁴² As tilgee ad ad ayns coirrey ailagh: ayns shen vees keaney as snaggeraght feeacklyn.

Noo Mian 13:42 ပူးပေါင်းရင်းမြစ်များ

Noo Mian 13:50

As tilgee ad ad ayns coirrey dy aile: ayns shen vees keayney as snaggeraght feeacklyn.

Noo Mian 22:13

Eisht dooyrt y ree rish ny sharvaantyn, Kiangle‐jee eh laue as cass, as gow‐jee eh ersooyl, as tilg‐jee eh ayns y dorraghys sodjey‐mooie: shen‐y‐raad vees keayney as snaggeraght feeacklyn.

Noo Mian 25:41

Eisht jir eh roosyn myrgeddin er y laue chiare, Immee‐jee voym, chloan churstey gys yn aile dy bragh farraghtyn, kiarit son y drogh‐spyrryd as e ainleyn.

Noo Mian 3:12

Ta’n cleayst echey ayns e laue, as nee eh dy bollagh e laare‐vooie y ghlenney, as gowee eh e churnaght stiagh ayns e hie‐tashtee: agh loshtee eh yn choau lesh aile nagh bee er ny vooghey.

Noo Mian 8:12

Agh bee cloan y reeriaght er nyn yiooldey magh gys y dorraghys sodjey‐mooie: ayns shen vees keayney as snaggeraght feeacklyn.

Noo Luke 13:28

Shen‐y‐raad vees keayney as snaggeraght feeacklyn, tra hee shiu Abraham, as Isaac as Jacob as ooilley ny phadeyryn ayns reeriaght Yee, as shiu hene er nyn yiooldey magh.

Ashlish 14:10

Nee’n fer cheddin giu jeh feeyn corree Yee, er ny lhieeney da gyn meenaghey dy vyghin, ayns cappan e yymmoose; as bee eh er ny horchaghey lesh aile as brimstone, kionfenish ny ainleyn casherick, as kiongoyrt rish yn Eayn:

Ashlish 19:20

As va’n veisht goit, as marish yn phadeyr foalsey va gobbraghey mirrillyn ayns e euish, lhieu v’eh molley adsyn v’er ghoaill orroo cowrey’n veisht, as adsyn hug ooashley da e yalloo. V’ad shoh ny‐neesht ceaut bio ayns logh dy aile lostey lesh brimstone.

Ashlish 20:10

As va’n jouyl ren ad y volley, er ny hilgey ayns y logh dy aile as brimstone, raad ta’n veisht as y phadeyr foalsey, as bee ad er nyn dorchaghey oie as laa son dy bragh as dy bragh.

Ashlish 21:8

Agh adsyn ta faitagh, as mee‐chredjuagh, as adsyn ta cur rish obbraghyn dwoaiagh, as dunveryn, as maarderee, as fir‐obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Ashlish 9:2

As doshil eh yn diunid gyn‐grunt, as dirree jaagh ass y diunid myr jaagh coirrey; as va’n ghrian as yn aer ayns dorraghys, kyndagh rish jaagh y diunid.