Noo Mian 13:19 - Yn Conaant Noa 1810

¹⁹ Quoi‐erbee ta clashtyn goo yn reeriaght, as nagh vel dy hoiggal eh, ta’n drogh‐er cheet, as tayrtyn lesh shen ny va cuirt ayns e chree: shoh eh ghow yn rass rish oirr y raad.

Yn Vible Casherick 1775 1819

¹⁹ Quoi-erbee ta clashtyn goo yn reeriaght, as nagh vel dy hoiggal eh, ta’n drogh-er cheet, as tayrtyn lesh shen ny va cuirt ayns e chree: shoh eh ghow yn rass rish oirr y raad.

Noo Mian 1748

¹⁹ Fer erbee dy vel clashtyn goo yn reeriaght, as nagh vel dy hoiggal eh, ta’n drogh er cheet as tayrtyn lesh shen ny va cuirt ayns e chree: shoh e ghow yn rass rish oirr y raad.

Noo Mian 13:19 ပူးပေါင်းရင်းမြစ်များ

Noo Mian 12:26

As my ta Satan castey Satan, t’eh girree‐magh n’oï hene: kys eisht oddys y reeriaght echey shassoo?

Noo Mian 13:20

Agh eshyn ghow yn rass ayns ynnydyn claghagh, shen eh ta clashtyn y goo, as jeeragh lesh boggey dy ghoaill eh:

Noo Mian 13:38

Yn magher yn seihll: yn rass mie cloan y reeriaght: agh y coggyl cloan y drogh‐er:

Noo Mian 4:23

As hie Yeesey mygeayrt ooilley Galilee, gynsaghey ayns nyn gialteenyn, as preacheil sushtal y reeriaght, as lheihys dy chooilley hingys, as dy chooilley ghoghan mastey’n pobble.

Noo Mian 5:37

Agh lhig da’n ghlare eu ve, She, she, Cha nee, cha nee: son cre‐erbee ta harrish shoh, te cheet veih yn olk.

Noo Mark 4:15

As ad shoh adsyn ta rish ooir y raad, ayn ta’n goo er ny chuirr, agh tra t’ad er chlashtyn, ta’n drogh‐spyrryd cheet jeeragh, as goaill ersooyl yn goo va cuirt ayns nyn greeaghyn.

Noo Luke 10:9

As slanee‐jee yn sleih chingey t’ayn, as abbyr‐jee roo, Ta reeriaght Yee er jeet er‐gerrey diu.

Noo Luke 9:2

As hug eh ad magh dy phreacheil reeriaght Yee, as dy laanaghey sleih chingey.

Noo Ean 18:38

Dooyrt Pilate rish, Cre ta’n irriney shen? as tra v’eh er ghra shoh, hie eh magh reesht gys ny Hewnyn, as dooyrt eh roo, Cha vel mish er gheddyn foill erbee ayn.

Noo Ean 8:43

Cre’n‐fa nagh vel shiu toiggal my ghlare? te son nagh vel shiu cur geill da my ghoo.

Jannoo 17:32

As tra cheayll ad jeh irree‐seose‐reesht ny merriu ren paart gannidys: as dooyrt cooid elley jeu, Ver mayd clashtyn dhyt keayrt ennagh elley mychione y chooish shoh.

Jannoo 18:15

Agh mannagh vel eh agh argane ny vud eu hene mychione focklyn as ennym, as y leigh eu hene, jeeagh‐jee hene da; son cha beem’s my vriw ayns lheid ny cooishyn.

Jannoo 20:25

As nish cur‐my‐ner, ta fys aym nagh jean shiuish ooilley, nyn mast’ eu ta mee er ve shooyl preacheil reeriaght Yee, my eddin y akin arragh.

Jannoo 28:23

As tra v’ad er phointeil laa er e hon, haink ymmodee huggey gys e hie; daue shoh hug eh tushtey, as dymmyrk eh feanish jeh reeriaght Yee, coyrlaghey ad mychione Yeesey, chammah ass leigh Voses as ny phadeyryn, veih moghrey derrey yn astyr.

Romanee 1:28

As dy jarroo myr nagh smooinee ad mie dy reayll Jee ayns nyn dushtey, livrey Jee ad harrish gys creoghys cree, dy yannoo shen nagh row lowal:

Romanee 14:17

Son cha nee bee ny jough reeriaght Yee, agh cairys, as shee as boggey ayns y Spyrryd Noo.

Romanee 2:8

Agh dauesyn ta anveagh, as nagh vel coyrt biallys da’n irriney, agh geiyrt da neu‐ynrickys; jymmoose as corree;

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;

2 Thessalonianee 2:12

Dy voddagh adsyn ooilley ve deyrit nagh ren credjal yn irriney, agh va taitnys oc ayns neu‐ynrickys.

Hebrewnee 2:1

Shen‐y‐fa lhisagh shin tastey s’geyrey ’choyrt da ny reddyn ta shin er chlashtyn, er‐aggle ec traa erbee dy jinnagh shin ad y yarrood.

1 Ean 3:12

Cha nee myr va Cain, va jeh’n drogh‐er shen, as varr e vraar: As cre’n‐fa varr eh eh? Er‐yn‐oyr dy row ny obbraghyn echey hene olk, as obbraghyn e vraarey cairagh.

1 Ean 5:18

Ta fys ain quoi‐erbee ta ruggit jeh Jee, nagh vel eh cur rish peccah; agh eshyn ta er ny ghientyn jeh Jee, t’eh freayll arrey er hene, as cha vel yn drogh‐er bentyn rish.

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.