Noo Mian 13:12 - Yn Conaant Noa 1810

¹² Son quoi‐erbee ta echey, dasyn vees er ny choyrt, as bee towse s’feoiltey er ny choyrt da: agh quoi‐erbee nagh vel echey, veihsyn vees, shen ny ta echey, er ny ghoaill ersooyl.

Yn Vible Casherick 1775 1819

¹² Son quoi-erbee ta echey, dasyn vees er ny choyrt, as bee towse s’feoiltey er ny choyrt da: agh quoi-erbee nagh vel echey, veihsyn vees shen ny ta echey, er ny ghoaill ersooyl.

Noo Mian 1748

¹² Son quoi‐erbee ta echey, dashyn vees er ny choyrt, as bee towse smoo echey: agh quoi‐erbee nagh vel echey, veihsyn vees shen ny ta echey er ny ghoal ersooyl.

Noo Mian 13:12 ပူးပေါင်းရင်းမြစ်များ

Noo Mian 21:43

Shen‐y‐fa ta mish gra riu, Dy bee reeriaght Yee er ny ghoaill veue‐ish, as er ny choyrt da ashoon ymmyrkys magh yn mess echey.

Noo Mian 25:29

Son da dy chooilley ghooinney ta kuse echey vees er ny choyrt, as yiow eh ny smoo: agh veihsyn nagh vel echey vees er ny ghoaill ersooyl eer shen ny ta echey.

Noo Mark 12:9

Cre nee Chiarn y gharey‐feeyney er‐y‐fa shen y yannoo? hig eh as stroie‐ee eh ny eirinnee, as ver eh yn garey‐feeyney da eirinnee elley.

Noo Luke 10:42

Agh un red ta ymmyrchagh. As ta Moirrey er reih yn ayrn vie shen, nagh bee er ny ghoaill ersooyl vo’ee.

Noo Luke 12:48

Agh eshyn nagh row toiggal, as ren foiljyn va toilliu kerraghey, cha bee yn kerraghey echey cha trome. Son da quoi‐erbee ta mooarane er ny choyrt, ersyn vees mooarane er ny hirrey: as da quoi‐erbee ta lane currit er e churrym, veihsyn nee sleih jeeaghyn son ny smoo.

Noo Luke 16:2

As deïe eh er, as dooyrt eh rish, Kys dy vel mee clashtyn shoh jeed? cur coontey jeh dty stiurtys: son cha vod oo ve ny‐sodjey dty stiurt,

Noo Luke 16:25

Agh dooyrt Abraham, Vac, cooinee uss ayns earish dty vea dy row ayd’s dy chooilley nhee mie, as myrgeddin ec Lazarus cha row monney agh seaghyn: agh nish t’eshyn er ny gherjaghey, as t’ou uss er dty horchaghey.

Noo Luke 8:18

Cur‐jee twoaie er‐y‐fa shen kys ta shiu clashtyn: son quoi‐erbee ta echey, dasyn vees er ny choyrt; as quoi‐erbee nagh vel echey, veihsyn vees er ny ghoaill eer shen hene er‐lesh dy vel echey.

Noo Luke 9:26

Son quoi‐erbee ghoys nearey jeem’s, as jeh my ghoan, jehsyn ghoys yn Mac dooinney nearrey tra hig eh ayns e ghloyr hene, as gloyr e Ayrey, as ny ainleyn casherick.

Jamys 4:6

Agh t’eh coyrt ny smoo dy ghrayse: shen‐y‐fa t’eh gra, Ta Jee cur eddin da ny mooaralee, as coyrt grayse dauesyn ta imlee.

Ashlish 2:5

Cooinee er‐y‐fa shen cre voish t’ou er duittym, as gow arrys, as jean dty chied obbraghyn; er‐nonney higym hood dy tappee, as scugh‐ym dty chainleyr ass e ynnyd, mannagh gow arrys.