Noo Mian 12:46 - Yn Conaant Noa 1810

⁴⁶ Choud as v’eh foast loayrt rish y pobble, cur‐my‐ner va e voir as e vraaraghyn nyn shassoo mooie, shirrey loayrt rish.

Yn Vible Casherick 1775 1819

⁴⁶ Choud as v’eh foast loayrt rish y pobble, cur-my-ner va e voir as e vraaraghyn nyn shassoo mooie, shirrey loayrt rish.

Noo Mian 1748

⁴⁶ ¶ Choud as ve foast loart rish y pobble, cur‐my‐ner va e voir as e vraaraghyn nyn shassoo mooie, shirrey loart rish.

Noo Mian 12:46 ပူးပေါင်းရင်းမြစ်များ

Noo Mian 1:18

Nish shoh myr haink [Yeesey] Creest er y theihll: Erreish da e voir Moirrey ve nasht rish Joseph, roish my daink ad dy vaghey cooidjagh, v’ee ry‐akin dy ve corrym liorish yn Spyrryd Noo.

Noo Mian 12:47

Eisht dooyrt fer rish, Cur‐my‐ner, ta dty voir as dty vraaraghyn nyn shassoo mooie, shirrey loayrt rhyt.

Noo Mian 13:55

Nagh nee shoh mac y teyr? Nagh vel e voir enmyssit Moirrey, as e vraaraghyn Jamys as Joses, as Simon, as Judas?

Noo Mian 2:11

As goll stiagh ’sy thie, hooar ad y liahunoo marish Moirrey e voir, as gliooney sheese, hug ad ooashley da: as fosley ny tashtaghyn oc, heb ad giootyn da; airh, as frankincense, as myrrh.

Noo Mian 2:20

Gra, Irree, as gow yn lhiannoo as e voir, as immee gys cheer Israel: son t’adsyn marroo va shleeuit er bioys y lhiannoo.

Noo Mark 2:21

As cha vel dooinney erbee whaaley peesh dy eaddagh noa er shenn gharmad: er‐nonney ta’n pheesh goaill y laane ass y chenn gharmad, as bee yn raipey ny smessey na ve.

Noo Mark 6:3

Nagh nee shoh yn seyir, mac Voirrey, braar Yamys as Yoses as Juda as Simon, as nagh vel ny shayraghyn echey ayns shoh mârin? as ghow ad cômys rish.

Noo Luke 1:43

As kys ta’n [ooashley] aym, dy vel moir my Hiarn er jeet dy my yeeaghyn?

Noo Luke 2:33

As ghow Joseph as e voir yindys jeh ny reddyn va loayrit my‐e‐chione.

Noo Luke 2:34

As vannee Simeon ad, as dooyrt eh rish Moirrey e voir, Cur‐my‐ner ta’n lhiannoo shoh soit dy chur sheese as dy hoiaghey seose ymmodee ayns Israel; as son cowrey dy oltooan.

Noo Luke 2:48

As tra honnick ad eh, v’ad fo mooarane atchim; as dooyrt e voir rish, Vac, cre’n‐fa t’ou er n’yannoo myr shoh rooin? cur‐my‐ner, ta dty ayr as mish er ve briaght dy trimshagh er dty hon.

Noo Luke 2:51

As hie eh sheese mâroo, as haink eh gys Nazareth, as v’eh biallagh daue: as hasht e voir ooilley ny raaghyn shoh ayns e cree.

Noo Luke 8:10

As dooyrt eh, Diuish te er ny choyrt dy hoiggal folliaghtyn reeriaght Yee; agh da feallagh elley ayns coraaghyn‐dorraghey: ga t’ad fakin cha vel ad cur‐my‐ner, as clashtyn cha vel ad toiggal.

Noo Ean 19:25

Nish va nyn shassoo liorish crosh Yeesey, e voir, as shuyr e vayrey, Moirrey ben Cleopas, as Moirrey Malaine.

Noo Ean 2:1

As er y trass laa va poosey ayns Cana dy Ghalilee; as va moir Yeesey ayns shen.

Noo Ean 2:12

Ny luirg shen, hie eh hene, as e voir, as e vraaraghyn, as e ynseydee sheese gys Capernaum; as cha nhimmey laa duirree ad ayns shen.

Noo Ean 2:5

Dooyrt e voir rish y vooinjer, Jean‐jee shiuish cre‐erbee jir eh riu.

Noo Ean 7:10

Agh tra va e vraaraghyn er gholl seose, eisht hie eshyn myrgeddin seose gys y feailley, cha nee dy foshlit, agh myr dy beagh eh dy follit.

Noo Ean 7:3

Dooyrt e vraaraghyn er‐y‐fa shen rish, Faag y voayl shoh, as immee gys Judea, dy vod ny eiyrtee t’ayd ayns shen myrgeddin fakin ny obbraghyn t’ou dy yannoo.

Noo Ean 7:5

Son chamoo ren e vraaraghyn hene credjal ayn.

Jannoo 1:14

Chum ad shoh ooilley dy cheilley lesh un aigney ayns padjer as aghin, marish ny mraane, as Moirrey moir Yeesey, as e vraaraghyn.

1 Corinthianee 9:5

Nagh vel cairys ain dy chur lhien mârin er nyn yurnah shuyr, ben, chammah’s ostyllyn elley, as braaraghyn y Chiarn, as Cephas?

Galatianee 1:19

Agh veg jeh ny ostyllyn elley cha vaik mee, agh Jamys braar y Chiarn.