Noo Mian 12:32 - Yn Conaant Noa 1810

³² As quoi‐erbee loayrys fockle noi Mac y dooinney, bee eh er ny leih da: agh quoi‐erbee loayrys noi yn Spyrryd Noo, cha bee eh er ny leih da, edyr ’sy theihll shoh, ny ’sy theihll ta ry‐heet.

Yn Vible Casherick 1775 1819

³² As quoi-erbee loayrys fockle noi Mac y dooinney, bee eh er ny leih da: agh quoi-erbee loayrys noi yn Spyrryd Noo, cha bee eh er ny leih da, edyr ’sy theihll shoh, ny ’sy theihll ta ry-heet.

Noo Mian 1748

³² As quoi‐erbee loarys fockle noi yn mac dooinney, bee eh er ny leih da: agh quoi-erbee loarys noi yn spyrryd noo, cha bee eh er ny leih da, edyr ayns y teihl shoh, ny ayns y teihl ta ry heet.

Noo Mian 12:32 ပူးပေါင်းရင်းမြစ်များ

Noo Mian 11:19

Haink Mac yn dooinney gee as giu, as t’ad gra, Cur‐my‐ner dooinney jollyssagh, as iuder‐feeyney, carrey dy phublicanee as dy pheccee: agh ta creenaght er ny heyrey liorish e cloan hene.

Noo Mian 12:31

Shen‐y‐fa ta mee gra riu, Bee dy chooilley pheccah as raa mollaghtagh er ny leih da deiney: agh goan mollaghtagh noi yn Spyrryd Noo cha bee er nyn leih da deiney.

Noo Mian 12:8

Son ta Mac y dooinney ny Hiarn er y doonaght hene.

Noo Mian 13:22

Eshyn myrgeddin ghow yn rass mastey ny drineyn, yn fer ta chlashtyn y goo: as ta kiarail y theihll shoh, as molteyrys berchys plooghey yn goo, as te cheet dy ve neu‐vessoil.

Noo Mian 13:39

Yn noid chuirr ad yn Jouyl: yn fouyr jerrey yn theihll: as ny beayneeyn ny ainleyn.

Noo Mian 13:40

Myr, er‐y‐fa shen ta’n coggyl er ny haglym, as er ny lostey ayns yn aile; shen myr vees eh ec jerrey’n theihll.

Noo Mian 13:55

Nagh nee shoh mac y teyr? Nagh vel e voir enmyssit Moirrey, as e vraaraghyn Jamys as Joses, as Simon, as Judas?

Noo Mian 8:20

As dooyrt Yeesey rish, Ta tuill ec ny shynnee, as idd ec eeanlee yn aer, agh cha vel ec mac y dooinney wheesh boayl aaght son e chione.

Noo Mark 10:30

Nagh vow keead‐filley nish ayns y traa shoh, thieyn, as braaraghyn, as shayraghyn, as moiraghyn, as cloan, as thalloo, lesh seaghyn; as ayns y theihll ta ry heet yn vea veayn.

Noo Mark 3:28

Dy firrinagh ta mee gra riu, Bee dy chooilley pheccah er ny leih da mec gheiney, as ny goan mollaghtagh lioroo nee ad loayrt dy mollaghtagh:

Noo Mark 3:29

Agh eshyn loayrys dy mollaghtagh noi yn Spyrryd Noo, cha bee dy bragh leih ny chour, agh t’eh ayns dangeyr coayl‐anmey dy bragh farraghtyn.

Noo Luke 12:10

As quoi‐erbee loayrys fockle noi Mac y dooinney, bee eh er ny leih da: agh dasyn ta loayrt goan‐mollaghtagh noi yn Spyrryd Noo, cha bee eh er ny leih.

Noo Luke 16:8

As voyll y chiarn y stiurt neu‐chairagh, er‐y‐fa dy row eh er n’yannoo dy creeney: son ta cloan y theihll shoh ayns nyn sheeloghe ny s’creeney na cloan y toilshey.

Noo Luke 18:30

Nagh vow ymmodee filley smoo ’sy traa t’ayn nish, as ayns y theihll ra ry‐heet yn vea dy bragh farraghtyn.

Noo Luke 23:34

Eisht dooyrt Yeesey, Ayr, jean leih daue; son cha vel fys oc cre t’ad dy yannoo. As rheynn ad e choamrey, as hilg ad lottyn.

Noo Luke 7:34

Ta’n Mac dooinney er jeet gee as giu; as ta shiu gra, Cur‐my‐ner dooinney jollyssagh, as iuder‐feeyney, carrey dy phublicanee as dy pheccee.

Noo Ean 7:12

As va lane argane mastey yn pobble mychione echey: son va paart gra, She dooinney mie eh: as feallagh elley gra, Cha nee; agh t’eh molley yn pobble.

Noo Ean 7:39

(Agh shoh loayr eh jeh’n Spyrryd, v’adsyn va credjal ayn ry‐hoi gheddyn: son cha row yn Spyrryd Noo foast er ny choyrt, er‐yn‐oyr nagh row Yeesey foast er ny ghloyraghey.)

Noo Ean 7:52

Dreggyr adsyn, as dooyrt ad rish, Nee ass Galilee t’ou uss myrgeddin? jean‐jee ronsaghey as jeeaghyn: son cha vel phadeyr erbee er droggal ayns Galilee.

Jannoo 3:19

Gow‐jee arrys er‐y‐fa shen, as chyndaa‐jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Ephesianee 1:21

Foddey erskyn dy chooilley ard‐ooashley, as pooar, as niart, as reill, as dy chooilley ennym ta enmyssit, cha nee ynrycan ’sy theihll shoh, agh myrgeddin ayns shen ta ry‐heet:

1 Timothy 1:13

Mish va roïe loayrt dy olkyssagh [noi Creest], as my hranlaasagh, as eulyssagh. Agh hooar mee myghin, er‐yn‐oyr dy ren mee eh dy neu‐hushtagh, ayns mee‐chredjue:

1 Timothy 1:15

Ta shoh raa firrinagh, as feeu ard‐soiagh ve jeant jeh, dy daink Yeesey Creest gys y theihll dy hauaill peccee; jeu ta mish yn ard er.

1 Timothy 4:8

Er son shirveish y challin cha vooar yn ymmyd t’ayn: agh ta craaueeaght vondeishagh gys dy chooilley nhee, myr ta gialdyn echey jeh’n vea ta nish ayn, as jeh shen ta ry heet.

1 Timothy 6:17

Cur currym orroosyn ta berchagh ’sy theihll shoh, nagh bee ad ard‐aignagh, ny treishteil ayns berchys neu‐hickyr, agh ayns y Jee bio, ta cur dooin dy palchey dy chooilley nhee dy ghoaill soylley jeu:

2 Timothy 4:10

Son ta Demas er my hreigeil, er graih cosney seihlltagh, as er n’gholl ersooyl gys Thessalonica; Crescens gys Galatia; Titus gys Dalmatia.

Titus 2:12

Gynsaghey dooin, liorish, gobbal mee‐chraueeaght as yeearreeyn seihlltagh, dy lhisagh shin beaghey dy sheelt, dy cairal, as dy crauee ayns y theihll shoh;

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane‐treoghe ayns nyn seaghyn, as dy reayll eh hene glen veih broïd y theihll.