Noo Mian 12:28 - Yn Conaant Noa 1810

²⁸ Agh my ta mish liorish spyrryd Yee castey drogh‐spyrrydyn, eisht ta reeriaght Yee er jeet hiuish.

Yn Vible Casherick 1775 1819

²⁸ Agh my ta mish liorish spyrryd Yee castey drogh-spyrrydyn, eisht ta reeriaght Yee er jeet hiuish.

Noo Mian 1748

²⁸ Agh my ta mish geyrt magh drogh spyrrydyn liorish spyrryd Yee, eisht ta reeriaght Yee er jeet hiu.

Noo Mian 12:28 ပူးပေါင်းရင်းမြစ်များ

Noo Mian 12:18

Cur‐my‐ner, my hirveishagh hene ta mee er reih, my er‐graihagh hene, eer taitnys my anmey: ver‐yms yn spyrryd aym’s ersyn, as soilshee eh briwnys da ny Ashoonee.

Noo Mian 12:29

Er‐nonney, kys oddys fer goll stiagh ayns thie yn treanagh, as e chooid y ghoaill er‐niart, mannagh geulee eh hoshiaght yn treanagh, as eisht nee eh e hie y roostey?

Noo Mian 21:31

Quoi jeu shoh ny‐neesht ren aigney e ayrey? Dooyrt adsyn rish, Yn mac shinney. Dooyrt Yeesey roo, Dy firrinagh ta mee gra riu, dy jed ny publicanee as ny drogh‐vraane stiagh ayns reeriaght Yee reue‐ish.

Noo Mian 21:43

Shen‐y‐fa ta mish gra riu, Dy bee reeriaght Yee er ny ghoaill veue‐ish, as er ny choyrt da ashoon ymmyrkys magh yn mess echey.

Noo Mian 4:24

As hie goo jeh magh trooid ooilley Syria: as hug ad lhieu huggey ooilley ny aslayntee, fo doghanyn as pianyn, adsyn va seaghnit lesh drogh‐spyrrydyn, sleih ass nyn geeayl, as an‐lheiltee, as ren eh ad y lheihys.

Noo Mian 6:33

Agh shir‐jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.

Noo Mark 1:15

As gra, Ta’n tra cooilleenit, as ta reeriaght Yee er‐gerrey: gow‐jee arrys, as cred‐jee yn sushtal.

Noo Mark 11:10

Bannit dy row reeriaght yn ayr ain David, ta cheet ayns ennym y Chiarn; Hosanna ayns yn yrjid.

Noo Mark 16:17

As eiyree ny cowraghyn shoh orroosyn ta credjal; Ayns my ennym’s nee ad drogh‐spyrrydyn y chastey, loayree ad lesh chengaghyn noa,

Noo Luke 10:11

Eer joan yn ard‐valley eu, ta lhiantyn hooin, ta shin dy chraa j’in nyn ’oï eu: ny‐yeih, bee‐jee shickyr jeh shoh, dy vel reeriaght Yee er jeet er‐gerrey diu.

Noo Luke 11:20

Agh my ta mish liorish mair Yee tilgey magh drogh‐spyrrydyn, fegooish dooyt ta reeriaght Yee er jeet erriuish.

Noo Luke 16:16

Va’n leigh as ny phadeyryn derrey Ean: er‐dyn traa shen, ta reeriaght Yee er ny phreacheil, as ta dy chooilley ghooinney chionney stiagh huggey.

Noo Luke 9:2

As hug eh ad magh dy phreacheil reeriaght Yee, as dy laanaghey sleih chingey.

Jannoo 10:38

Kys dy ren Jee Yeesey dy Nazareth y ooillaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh‐spyrryd: son va Jee mârish.

Romanee 14:17

Son cha nee bee ny jough reeriaght Yee, agh cairys, as shee as boggey ayns y Spyrryd Noo.

Colossianee 1:13

Ta er livrey shin veih pooar y dorraghys, as er hoiaghey shin ayns reeriaght e Vac graihagh hene:

Hebrewnee 12:28

Shen‐y‐fa fakin dy vel shinyn er gheddyn reeriaght nagh vod v’er ny scughey, lhig da grayse ve ain, liorish oddys mayd Jee y hirveish dy booisal, lesh arrym as aggle crauee.

1 Ean 3:8

Eshyn ta jannoo peccah, t’eh jeh’n drogh‐spyrryd; son ta’n drogh‐spyrryd kyndagh jeh peccah er‐dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh‐spyrryd.