Noo Mian 12:18 - Yn Conaant Noa 1810

¹⁸ Cur‐my‐ner, my hirveishagh hene ta mee er reih, my er‐graihagh hene, eer taitnys my anmey: ver‐yms yn spyrryd aym’s ersyn, as soilshee eh briwnys da ny Ashoonee.

Yn Vible Casherick 1775 1819

¹⁸ Cur-my-ner, my hirveishagh hene ta mee er reih, my er-graihagh hene, eer taitnys my anmey: ver-yms yn spyrryd aym’s ersyn, as soilshee eh briwnys da ny Ashoonee.

Noo Mian 1748

¹⁸ Cur‐my‐ner, my harvaant ta mee er ny reih, my er‐ghraihagh jeh ta mee dy moar soiaghey ayns m’annym; nee yn spyrryd aym vaghey ayn, as soilshee e briwnys da ny ashoonyn.

Noo Mian 12:18 ပူးပေါင်းရင်းမြစ်များ

Noo Mian 12:17

As shoh myr va cooilleenit shen ny loayr Esaias y phadeyr, gra,

Noo Mian 17:5

Choud as v’eh foast loayrt, ren bodjal sollys skeayley harrystoo: as cur‐my‐ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht‐jee rishyn.

Noo Mark 1:11

As haink coraa veih niau, gra, Oo my vac ennoil, jeed ta mee dy mooar soiaghey.

Noo Mark 9:7

As ren bodjal scadoo y hilgey harrystoo: as haink coraa ass y vodjal, gra, Shoh my vac ennoil; eaisht‐jee rish.

Noo Luke 23:35

As va’n pobble nyn shassoo cur‐my‐ner: as mâroo ren ny fir‐reill myrgeddin gannidys er, as gra, Haue eh feallagh elley; lhig da eh hene y hauail my she Creest fer reiht Yee eh.

Noo Luke 3:22

As haink y Spyrryd Noo neose er, myr ayns cummey dooghyssagh calmane, as haink coraa veih niau, gra, Oo my vac ennoil, jeed ta mee dy mooar soiaghey.

Noo Luke 4:18

Ta spyrryd y Chiarn orrym’s, er‐y‐fa dy vel eh er my ooillaghey dy phreacheil y sushtal gys ny boghtyn, t’eh er my choyrt dy laanaghey yn vooinjer hrome‐chreeagh, dy phreacheil livrey‐ys gys ny cap‐peeyn, dy chur soilshey da ny doail, as reamys dauesyn ta broojit,

Noo Luke 9:35

As haink coraa ass y vodjal, gra, Shoh my vac graihagh eaisht‐jee rishyn.

Noo Ean 3:34

Son t’eshyn ta Jee er choyrt, loayrt goan Yee: son cha nee liorish towse ta Jee cur y Spyrryd da.

Jannoo 10:38

Kys dy ren Jee Yeesey dy Nazareth y ooillaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh‐spyrryd: son va Jee mârish.

Jannoo 11:18

Tra cheayll ad shoh, v’ad nyn dhost, as hug ad gloyr da Jee, gra, Eisht ta Jee da ny Ashoonee myrgeddin er ghialdyn arrys gys bea.

Jannoo 14:27

As tra v’ad er jeet, as er n’eamagh er yn agglish cooidjagh, hug ad coontey daue jeh ooilley ny va Jee er n’yannoo roo, as kys v’eh er vosley dorrys y chredjue da ny Ashoonee.

Ephesianee 1:6

Gys moylley gloyr e ghrayse, liorish t’eh er n’yannoo soiagh j’in ayns e er‐graihagh:

Colossianee 1:1

Paul ostyl Yeesey Creest liorish aigney Yee, as Timotheus nyn mraar,

Colossianee 1:13

Ta er livrey shin veih pooar y dorraghys, as er hoiaghey shin ayns reeriaght e Vac graihagh hene:

1 Peddyr 2:4

Cheet huggeysyn, myr gys clagh bio, mee‐lowit dy jarroo liorish deiney, agh reiht liorish Jee, as deyr,

2 Peddyr 1:17

Son hooar eh veih Jee yn Ayr, onnor as gloyr, tra haink lheid y coraa huggeysyn veih’n ashlish ghloyroil, Shoh my Vac graihagh, jeh ta mee dy mooar soiaghey.