Noo Mian 11:5 - Yn Conaant Noa 1810

⁵ Ta ny doail geddyn nyn soilshey, as ny croobee shooyll, ny louraanee er nyn ghlenney, ny beuyr clashtyn, ny merriu er nyn mioghey, as yn sushtal er ny phreacheil da ny boghtyn.

Yn Vible Casherick 1775 1819

⁵ Ta ny doail geddyn nyn soilshey, as ny croobee shooyl, ny louraanee er nyn ghlenney, ny beuyr clashtyn, ny merriu er nyn mioghey, as yn sushtal er ny phreacheil da ny boghtyn.

Noo Mian 1748

⁵ Ta ny doall geddyn nyn soilshey, as ny croobee gimmeeaght, ny louranee er nyn ghlenney, ny beuyr clashtyn, ny merriu er nyn mioghey, as y sushtal er ny phreacheil da ny boughtyn.

Noo Mian 11:5 ပူးပေါင်းရင်းမြစ်များ

Noo Mian 10:8

Slaanee‐jee sleih chingey, glen‐jee ny louranee, jean‐jee ny merriu y aa‐vioghey, as drogh‐spyrrydyn y chastey: nastee ta shiu er gheddyn as dy nastee cur‐jee veue.

Noo Mian 11:4

Dreggyr Yeesey as dooyrt eh roo, Immee‐jee, as soilshee‐jee da Ean ny reddyn ta shiu dy chlashtyn as dy akin:

Noo Mian 12:13

Eisht dooyrt eh rish y dooinney, Sheeyn magh dty laue: as heeyn eh magh ee; as va’n laue echey er ny lheihys myr y laue elley.

Noo Mian 21:14

As haink ny doail as ny croobee huggey gys y chiamble, as ren eh ad y lheihys.

Noo Mian 5:3

Bannit t’adsyn ta imlee ayns spyrryd: son lhieusyn reeriaght niau.

Noo Mian 9:30

As va ny sooillyn oc er nyn vosley, as hug Yeesey currym gyere orroo, gra, Jeeagh‐jee nagh vow dooinney erbee fys er.

Noo Mark 7:37

As va’d erskyn towse atchimagh, gra, T’eh er n’yannoo dy chooilley nhee dy mie: t’eh cur chammah er ny beuyr dy chlashtyn, as ny balloo dy loayrt.

Noo Mark 9:25

Tra honnick Yeesey dy row yn pobble ayns preis chionney dy cheilley, vaggyr eh er y spyrryd neu‐ghlen, as dooyrt eh rish, Uss spyrryd balloo as bouyr, ta mee dy dty harey, Oo dy heet magh ass, as gyn arragh dy gholl stiagh ayn.

Noo Luke 4:18

Ta spyrryd y Chiarn orrym’s, er‐y‐fa dy vel eh er my ooillaghey dy phreacheil y sushtal gys ny boghtyn, t’eh er my choyrt dy laanaghey yn vooinjer hrome‐chreeagh, dy phreacheil livrey‐ys gys ny cap‐peeyn, dy chur soilshey da ny doail, as reamys dauesyn ta broojit,

Noo Ean 10:25

Dreggyr Yeesey ad, Ta mee er n’insh diu hannah, as cha ren shiu my chredjal: ta ny obbraghyn ta mee dy yannoo ayns ennym my Ayrey gymmyrkey feanish jee’m.

Noo Ean 10:38

Agh my ta mee jannoo ad, ga nagh gred shiu mish, cred‐jee ny obbraghyn: dy vod shiu toiggal as credjal, dy vel yn Ayr aynym’s, as mish aynsyn.

Noo Ean 2:23

Nish tra v’eh ec Jerusalem ec y chaisht, rish earish ny feailley, ren ymmodee credjal ayns yn ennym echey, tra honnick ad ny mirrilyn v’eh er n’yannoo.

Noo Ean 3:2

Haink eh shoh gys Yeesey ayns yn oie, as dooyrt eh rish, Rabbi, ta fys ain dy nee fer‐ynsee oo t’er jeet veih Jee: son cha vod dooinney erbee ny mirrilyn shen y yannoo t’ou uss dy yannoo, mannagh bee Jee mârish.

Noo Ean 5:36

Agh ta feanish stroshey aym’s na Ean: son ny obbraghyn hug my Ayr dou dy chooilleeney, ny obbraghyn cheddin ta mee dy yannoo, t’ad gymmyrkey feanish jee’m, dy vel yn Ayr er my choyrt.

Noo Ean 9:7

As dooyrt eh rish, Immee as oonlee oo hene ayns poyll Siloam (ta shen ’sy ghlare ainyn, Er ny choyrt) Hie eh roish er‐y‐fa shen, as doonlee eh eh hene, as haink eh as e hoilshey echey.

Jannoo 2:22

Gheiney Israel, eaisht‐jee rish ny goan shoh; Yeesey dy Nazareth, dooinney ren Jee soiaghey jeh nyn mast’ eu, liorish mirrilyn, as yindyssyn as cowraghyn, dobbree Jee liorishyn ayns yn enish eu, myr s’mie fys myrgeddin eu hene:

Jamys 2:5

Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?