Noo Mian 11:28 - Yn Conaant Noa 1810

²⁸ Tar‐jee hym’s oilley shiuish ta deinagh as trome laadit, as neem’s shiu y ooraghey.

Yn Vible Casherick 1775 1819

²⁸ Tar-jee hym’s ooilley shiuish ta deinagh as trome laadit, as neem’s shiu y ooraghey.

Noo Mian 1748

²⁸ ¶ Tar‐jee hyms ooilley shiuish ta laboragh as ta laadit dy trome, as neems shiu y ooraghey.

Noo Mian 11:28 ပူးပေါင်းရင်းမြစ်များ

Noo Mian 11:29

Gow‐jee my whing erriu, as ynsee‐jee voym’s, son ta mee meen as imlee ayns cree: as yiow shiu fea da nyn anmeenyn.

Noo Mian 23:4

Son t’ad kiangley erraghyn tromey as doillee dy ve er nyn ymmyrkey, as dyn goyrt ad er geayltyn deiney, agh cha lhie ad hene wheesh mair roo dy hroggal ad.

Noo Ean 6:37

Hig adsyn ooilley hym’s ta’n Ayr dy chur dou; as eshyn ta cheet hym, cha jeanym er aght erbee y yiooldey voym.

Noo Ean 7:37

Er y laa s’jerree, laa mooar ny feailley, hass Yeesey, as deïe eh, gra, My ta dooinney erbee paagh, lhig da cheet hym’s as giu.

Jannoo 15:10

Kys er‐y‐fa shen dy vel shiu nish brasnaghey Jee, liorish quing y choyrt er mwannal ny Creesteenyn, nagh row ec ny ayraghyn ain, ny ain hene yn niart dy ymmyrkey?

Jannoo 20:35

Ta mee er hoilshaghey diu dy chooilley nhee, kys laboraght myr shen, dy lhisagh shiu kemmyrk y choyrt da ny annooinee; as cooinaghtyn er goan y Chiarn Yeesey, kys dooyrt eh, Te ny s’bannee dy choyrt na dy ghoaill.

Galatianee 5:1

Shass‐jee shickyr er‐y‐fa shen ’sy reamys ta Creest er chosney dooin, as ny bee‐jee kianlt reesht fo’n whing dy vondiaght.

2 Thessalonianee 1:7

As diuish ta seaghnit, fea mârin, traa vees y Chiarn Yeesey er ny hoilshaghey veih niau marish e ainleyn niartal.

Hebrewnee 4:1

Lhig dooin er‐y‐fa shen aggle y ghoaill, erreish da gialdyn ve faagit dooin dy gholl stiagh ’syn ea echey, dy darragh veg jiu giare jeh.

Ashlish 22:17

As ta’n Spyrryd as ben y phoosee gra, Tar‐jee. As lhig dasyn ta clashtyn, gra, Tar‐jee. As lhig dasyn ta paagh cheet. As lhig da quoi‐erbee saillish goaill ushtey yn vea nastee.