Noo Mian 11:25 - Yn Conaant Noa 1810

²⁵ Ec y traa shen dreggyr Yeesey as dooyrt eh, Ta mee cur booise dhyt, O Ayr, Hiarn niau as thalloo, er‐yn oyr dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn.

Yn Vible Casherick 1775 1819

²⁵ Ec y traa shen dreggyr Yeesey as dooyrt eh, Ta mee cur booise dhyt, O Ayr, Hiarn niau as thalloo, er-yn-oyr dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn.

Noo Mian 1748

²⁵ ¶ Ec y tra shen, dreggyr Yeesey as doort e, Ta mee cur booise dhyt, O Ayr, Hiarn niau as talloo, er‐yn‐oyr dy vel oo er chieltyn ny reddyn shoh vowsyn ta creeney as tushtagh, as dy vel oo er hoilshaghey ad da ooikanyn.

Noo Mian 11:25 ပူးပေါင်းရင်းမြစ်များ

Noo Mian 16:17

Dansoor Yeesey, as dooyrt eh rish, Bannit t’ou uss Simon mac Jona: son cha nee feill as fuill t’er hoilshaghey shoh dhyt’s agh my Ayr t’ayns niau.

Noo Mian 21:16

As dooyrt ad rish, Vel oo clashtyn cre t’ad shoh dy ghra? Dooyrt Yeesey roo, Ta mee; nagh lhaih shiuish rieau, Magh ass beill oikanyn as cloan er y cheeagh t’ou er gheddyn moylley firrinagh?

Noo Luke 22:42

Gra, Ayr, my she dty aigney eh, scugh yn cappan shoh voym: ny‐yeih cha nee my aigney’s, agh dt’aigney’s dy row jeant.

Noo Luke 23:34

Eisht dooyrt Yeesey, Ayr, jean leih daue; son cha vel fys oc cre t’ad dy yannoo. As rheynn ad e choamrey, as hilg ad lottyn.

Noo Ean 11:41

Eisht scugh ad y chlagh jeh’n boayl raad va’n Marroo ny lhie. As hrog Yeesey seose e hooillyn, as dooyrt eh, Ayr, ta mee cur booise dhyt dy vel oo er my chlashtyn.

Noo Ean 12:27

Nish ta my annym seaghnit; as cre jir‐ym? Ayr, saue mee veih’n oor shoh: agh er yn oyr shoh haink mee gys yn oor shoh.

Noo Ean 12:28

Ayr, cur gloyr da dty ennym hene. Eisht haink coraa veih niau, gra, Ta mee hannah er ghloyraghey eh, as nee’m eh y ghloyraghey reesht.

Jannoo 17:24

Jee ren y seihll, as dy chooilley nhee t’ayn y chroo, fakin dy nee eshyn Chiarn niau as thalloo, cha vel eh cummal ayns chiambyllyn troggit lesh laueyn:

1 Corinthianee 2:10

Agh ta Jee er hoilshaghey ad dooinyn liorish e Spyrryd: son ta’n Spyrryd ronsaghey dy chooilley nhee, eer folliaghtyn dowiney Yee.

2 Corinthianee 3:14

Agh va nyn aignaghyn dollit: son gys y laa t’ayn jiu ta’n coodagh cheddin er‐mayrn orroo, ayns lhaih yn chenn chonaant; yn coodagh cheddin ta goit jeh ayns Creest.