Noo Mian 11:22 - Yn Conaant Noa 1810

²² Agh ta mee gra riu, Dy bee kerraghey s’eddrym er ny choyrt er Tyre as Sidon ec laa ny briwnys, na vees er ny choyrt erruish.

Yn Vible Casherick 1775 1819

²² Agh ta mee gra riu, Dy bee kerraghey s’eddrym er ny choyrt er Tyre as Sidon ec laa ny briwnys, na vees er ny choyrt erriuish.

Noo Mian 1748

²² Agh ta mee gra riu, dy bee kerraghey s’eddrymmee er ny choyrt er Tyre as Sidon ec laa ny briwnys, ny vees er ny choyrt erriuish.

Noo Mian 11:22 ပူးပေါင်းရင်းမြစ်များ

Noo Mian 10:15

Dy firrinagh ta mee gra riu, Dy bee eh ny sassey da cheer Sodom as Gomorrah, ec laa ny briwnys na da’n ard‐valley shen.

Noo Mian 11:21

Smerg dhyt’s Chorazin, smerg dhyt’s Vethsaida: son dy beagh ny obbraghyn yindyssagh er ny ve jeant ayns Tyre as Sidon, t’er ny ve jeant ayndiuish, veagh ad er ghoaill arrys foddey er‐dy‐henney ayns aanrit‐sack as leoie.

Noo Mian 11:24

Agh ta mee gra riu, dy bee kerraghey sassey er ny choyrt er thalloo Sodom ec laa ny briwnys, na vees ort’s.

Noo Mian 12:36

Agh ta mee gra riu, Dy chooilley ghrogh‐ockle nee deiney y loayrt, dy der ad coontey er y hon ec laa ny briwnys.

Noo Luke 10:14

Agh bee kerraghey s’eddrym er ny choyrt er Tyre as Sidon ec y vriwnys, na vees er ny choyrt erriuish.

Hebrewnee 2:3

Kys oddys shinyn scapail, my nee mayd mee‐rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;

2 Peddyr 2:9

Ec y Chiarn ta fys kys dy livrey yn sleih crauee ass seaghyn, as dy reayll ny mee‐chrauee gys laa ny briwnys dy ve er nyn gerraghey:

2 Peddyr 3:7

Agh ta ny niaughyn as yn thalloo t’ayn nish, liorish y goo cheddin freilt ayns stoyr, kiarit son yn aile ry‐hoi laa ny briwnys, as toyrt‐mow deiney mee‐chrauee.

1 Ean 4:17

Ayns shoh ta’n ghraih ain soilshit dy ve firrinagh, dy vel dunnallys ain ayns laa yn vriwnys; er‐yn‐oyr myr ta eshyn, myr shen ta shinyn ayns y theihll shoh.

Ashlish 20:11

As honnick mee stoyl‐reeoil mooar gial, as eshyn va ny hoie er, veih e enish ren niau as thalloo chea ersooyl, as cha row ynnyd ry‐gheddyn er nyn son.

Ashlish 20:12

As honnick mee ny merriu, beg as mooar, nyn shassoo fenish Yee; as va ny lioaryn foshlit: as va lioar elley foshlit, ta lioar y vea: as va ny merriu er nyn mriwnys liorish ny reddyn shen va scruit ayns ny lioaryn, cordail rish nyn obbraghyn.