Noo Mian 10:40 - Yn Conaant Noa 1810

⁴⁰ Eshyn ta soaighey jiuish, te’h soiaghey jeem’s; as eshyn ta soiaghey jeem’s, t’eh soiaghey jehsyn t’er my choyrt.

Yn Vible Casherick 1775 1819

⁴⁰ Eshyn ta soiaghey jiuish, t’eh soiaghey jeem’s: as eshyn ta soiaghey jeem’s, t’eh soiaghey jehsyn t’er my choyrt.

Noo Mian 1748

⁴⁰ Eshyn ta soiaghey jiuish, te soiaghey jeems, as eshyn ta soiaghey jeems, te soiaghey jehsyn t’er my choyrt.

Noo Mian 10:40 ပူးပေါင်းရင်းမြစ်များ

Noo Mian 18:5

As quoi‐erbee nee soiaghey jeh lheid y lhiannoo beg shoh ayns yn ennym aym’s, t’eh jannoo soiaghey jeem’s.

Noo Mian 25:40

As freggyree yn Ree, as jir eh roo, Dy firrinagh ta mee gra riu, Ayns wheesh as dy vel shiu er n’yannoo eh son y fer sloo jeu shoh my vraaraghyn, ta shiu er n’yannoo eh er my hon’s.

Noo Mian 25:45

Eisht nee eh nyn reggyrt, gra, Dy firrinagh ta mee gra riu, Ayns wheesh as nagh ren shiu eh son unnane jeh’n vooinjer sloo jeu shoh, cha ren shiu eh er my hon’s.

Noo Mark 9:37

Quoi‐erbee nee soiaghey jeh unnane dy lheid y chloan shoh, t’eh soiaghey jeem’s: as quoi‐erbee nee soiaghey jeem’s, cha nee jeem’s t’eh soiaghey, agh jehsyn t’er my choyrt.

Noo Luke 10:16

Eshyn eaishtys riuish, t’eh geaishtagh rhym’s: as eshyn ta soiaghey beg jiuish, t’eh soiaghey beg jeem’s: as eshyn ta soiaghey beg jeem’s, t’eh soiaghey beg jehsyn ta er my choyrt.

Noo Luke 9:48

As dooyrt eh roo, Quoi‐erbee nee soiaghey jeh’n lhiannoo shoh ayns m’ennym’s, t’eh jannoo soiaghey jeem’s: as quoi‐erbee nee soiaghey jeem’s, t’eh soiaghey jehsyn t’er my choyrt: son eshyn sloo ta nyn mast’ eu ooilley, eshyn syrjey vees.

Noo Ean 13:20

Dy firrinagh firrinagh ta mee gra riu, Eshyn ta jannoo soiagh jeh quoi‐erbee ta mee dy choyrt, t’eh jannoo soiagh jeem’s: as eshyn ta soiaghey jeem’s, t’eh soiaghey jehsyn t’er my choyrt.

Noo Ean 20:21

Eisht dooyrt Yeesey roo reesht, Shee dy row hiu; myr ta my Ayr er my choyrt’s, myr shen ta mish coyrt shiuish.

Noo Ean 5:23

Dy voddagh dy chooilley ghooinney ooashley y choyrt da’n Mac, myr t’ad cur ooashley da’n Ayr. Eshyn nagh vel cur ooashley da’n Mac, cha vel eh coyrt ooashley da’n Ayr ren y choyrt eh.

2 Corinthianee 5:20

Nish ta shinyn chaghteryn ayns lieh Chreest, myr dy beagh Jee dy chuirrey shiu liorinyn: ta shin guee erriu ayns ynnyd Chreest, bee‐jee coardit rish Jee.

Galatianee 4:14

As y trial va mee fo ayns my chorp, cha ren shiu soiaghey beg jeh, ny cur cooyl rhym er y hon; agh ren shiu goaill rhym myr chaghter veih Jee, dy jarroo myr Creest Yeesey.

1 Thessalonianee 4:8

Eshyn er‐y‐fa shen ta soiaghey beg, cha vel eh soiaghey beg jeh dooinney, agh jeh Jee, ta myrgeddin er choyrt dooinyn e Spyrryd casherick.

2 Ean 1:9

Quoi‐erbee ta treigeil, as nagh vel tannaghtyn ayns ynsagh Chreest, cha vel Jee echey: eshyn ta tannaghtyn ayns ynsagh Chreest, t’echey chammah yn Ayr, as y Mac.