Noo Mian 1:23 - Yn Conaant Noa 1810

²³ Cur‐my‐ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

Yn Vible Casherick 1775 1819

²³ Cur-my-ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

Noo Mian 1748

²³ Cur‐my‐ner bee Liannoo ec Moidyn, as ver ee Mac son y teihl, as nee ad e y enmys Emmanuel, ta shen dy ghra, Jee marin)

Noo Mian 1:23 ပူးပေါင်းရင်းမြစ်များ

Noo Mian 1:24

Tra va Joseph eisht er n’irree veih cadley, ren, eh myr va ainle y Chiarn er chur roish, as ghow eh thie e ven:

Noo Mian 28:20

Gynsaghey daue dy reayll dy chooilley nhee cre‐erbee ta mish er chur ayns sarey diu: as cur‐my‐ner, ta mish mêriu kinjagh, eer gys jerrey yn theihll. Amen.

Noo Luke 20:44

Ta David er‐y‐fa shen genmys eh ny Hiarn, kys t’eh eisht yn mac echey?

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Jannoo 18:9

Eisht loayr y Chiarn ayns ashlish rish Paul ayns yn oie, Ny bee aggle ort, agh loayr magh, as ny bee dty host:

Romanee 8:31

Cre jir mayd eisht rish ny reddyn shoh? my ta Jee lhien, quoi oddys ve nyn ’oï?

Romanee 9:5

Lhieu va ny ayraghyn, as jeusyn cordail rish yn eill haink Creest, ta harrish ooilley, Jee bannit son dy‐bragh. Amen.

2 Corinthianee 5:19

Ta shen, dy row Jee ayns Creest, cordail yn seihll rish hene, cha nee coyrt nyn loghtyn nyn lieh; as t’eh er livrey dooinyn yn goo dy choardail.

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

2 Timothy 4:17

Ny‐yeih, hass y Chiarn lhiam, as ren eh m’y niartaghey; liorym’s dy voddagh preacheil [y tushtal] ve dy slane er ny hoiggal, as dy voddagh ooilley ny Ashoonee clashtyn: as va mee er my livrey ass beeal y lion.

2 Timothy 4:22

Dy row yn Chiarn Yeesey Creest marish dty spyrryd. Grayse dy row mêriu. Amen.