Noo Mian 1:21 - Yn Conaant Noa 1810

²¹ As ver ee mac son y theihll, as nee oo genmys eh Yeesey, son sauee eh e phobble veih nyn beccaghyn.

Yn Vible Casherick 1775 1819

²¹ As ver ee mac son y theihll, as nee oo genmys eh Yeesey, son sauee eh e phobble veih nyn beccaghyn.

Noo Mian 1748

²¹ As ver ee Mac son y teihl, as enmys‐ee oo yn ennym echey Yeesey; son Sauee e e phobble veih nyn beccaghyn.

Noo Mian 1:21 ပူးပေါင်းရင်းမြစ်များ

Noo Mian 1:25

As cha row veg echey dy yannoo r’ee, derrey hug ee e ynrycan vac son y theihll, as denmys eh yn ennym echey Yeesey.

Noo Luke 1:13

Agh dooyrt yn ainle rish, Ny gow aggle Zacharias: son ta dty phadjer er ny chlashtyn, as nee yn ven ayd Elizabeth mac y ymmyrkey dhyt, as nee oo genmys eh Ean.

Noo Luke 1:31

As cur‐my‐ner, nee oo giennaghtyn, as mac y ymmykey, as enmyssee oo yn ennym echey Yeesey.

Noo Luke 2:11

Son diuish t’er ny ruggey jiu ayns ard‐valley Ghavid, Saualtagh, ta shen Creest yn Chiarn.

Noo Luke 2:21

As tra va hoght laa ec kione son giarey‐chymmylt y lhiannoo, v’eh enmyssit YEESEY, son shen yn ennym hug yn ainle er, roish my row eh er ny ghiennaghtyn ’sy vrein.

Noo Ean 1:29

Yn nah laa honnick Ean Yeesey cheet ny‐whail, as dooyrt eh, Cur‐my‐ner Eayn Yee, ta goaill ersooyl peccah yn theihll.

Noo Ean 4:42

As dooyrt ad rish y ven, Nish ta shin credjal, cha nee son y raa ayd’s; son ta shin hene er chlashtyn eh, as ta fys ain, dy nee shoh dy jarroo yn Creest, Saualtagh y theihll.

Jannoo 13:23

Jeh sluight y dooinney shoh ta Jee, coardail rish e ghialdyn, er hroggal seose da Israel Saualtagh Yeesey:

Jannoo 3:26

Erreish da Jee v’er hroggal seose e vac Yeesey, hug eh hiuish eh hoshiaght dy nyn mannaghey liorish chyndaa dy chooilley unnane eu veih e vee‐chraueeaght.

Jannoo 4:12

Chamoo ta saualtys ayns fer erbee elley: son cha vel ennym erbee elley fo niau er ny choyrt mastey deiney liorish oddys mayd saualtys y chosney.

Jannoo 5:31

Eshyn ta Jee er droggal seose gys e laue yesh hene, dy ve ny Phrince as ny Haualtagh, dy chur arrys da Israel as leih peccaghyn.

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Hebrewnee 7:25

Shen‐y‐fa t’eh pooaral myrgeddin dy hauail gys y chooid sodjey adsyn ta cheet gys Jee liorishyn, fakin dy vel eh dy bragh bio dy yannoo stiagh [rish Jee] er nyn son.

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.

1 Ean 3:5

As ta fys eu dy row eshyn er ny hoilshaghey dy ghoaill ersooyl nyn beccaghyn; as aynsyn cha vel veg y pheccah.

Ashlish 7:14

As dooyrt mee rish, Ayd’s ta fys, my Hiarn. As dooyrt eh rhym, Shoh adsyn haink ass seaghyn mooar, as t’er niee nyn goamraghyn, as er ghiallaghey ad liorish fuill yn Eayn.