Noo Mian 1:16 - Yn Conaant Noa 1810

¹⁶ As hooar Jacob Joseph sheshey Voirrey, j’eeish ruggyr Yeesey, ta enmyssit Creest.

Yn Vible Casherick 1775 1819

¹⁶ As hooar Jacob Joseph sheshey Voirrey, jeeish ruggyr Yeesey, ta enmyssit Creest.

Noo Mian 1748

¹⁶ As hooar Jacob Joseph dooinney‐poost Moirrey, jee ruggyr Yeesey, ta enmyssit Creest.

Noo Mian 1:16 ပူးပေါင်းရင်းမြစ်များ

Noo Mian 1:15

As hooar Eliud Eliazar, as hooar Eliazar Matthan, as hooar Matthan Jacob.

Noo Mian 16:16

Dreggyr Simon Peddyr, as dooyrt eh, Uss yn Creest, Mac y Jee bio.

Noo Mian 16:20

Eisht hug eh currym er e ostyllyn, gyn ad dy insh da dooinney erbee, dy nee eshyn va Yeesey yn Creest.

Noo Mian 2:13

As tra v’ad er n’immeeaght, cur‐my‐ner haink ainle y Chiarn gys Joseph ayns ashlish, gra Trog ort, gow yn lhiannoo as e voir, cosne royd gys Egypt, as fuirree ayns shen derrey ver‐yms fys hood: son shirree Herod y lhiannoo dy stroie eh.

Noo Mian 27:17

Shen‐y‐fa tra v’ad er nyn jaglym cooidjagh, dooyrt Pilate roo, Quoi salliu mee dy eaysley diu? Barabbas, ny Yeesey, ta enmyssit Creest?

Noo Mian 27:22

Dooyrt Pilate roo, Cre nee’m eisht rish Yeesey, ta enmyssit Creest? Dooyrt ad ooilley rish, Lhig da v’er ny chrossey.

Noo Mark 6:3

Nagh nee shoh yn seyir, mac Voirrey, braar Yamys as Yoses as Juda as Simon, as nagh vel ny shayraghyn echey ayns shoh mârin? as ghow ad cômys rish.

Noo Luke 1:27

Gys moidyn nasht rish dooinney enmyssit Joseph, jeh thie Ghavid; as va ennym y voidyn Moirrey.

Noo Luke 2:48

As tra honnick ad eh, v’ad fo mooarane atchim; as dooyrt e voir rish, Vac, cre’n‐fa t’ou er n’yannoo myr shoh rooin? cur‐my‐ner, ta dty ayr as mish er ve briaght dy trimshagh er dty hon.

Noo Luke 2:7

As hug ee son y theihll yn ynrycan vac rug jee, as hoïll ee eh ayns aanrityn soillee, as hug ee eh ny lhie ayns manjoor, er‐y‐fa nagh row room er nyn son ayns y thie‐oast.

Noo Luke 3:23

As ghow Yeesey eh hene toshiaght dy ve mysh jeih bleeaney as feed dy eash, as (goit dy ve) mac Yoseph, mac Heli,

Noo Luke 4:22

As dymmyrk ad ooilley feanish lesh, as ghow ad yindys jeh ny goan graysoil haink ass y veeal echey. As dooyrt ad, Nagh nee shoh mac Yoseph?

Noo Ean 4:25

Dooyrt y ven rish, Ta fys aym dy vel Messias cheet ta enmyssit Creest: tra hig eshyn, inshee eh dooin dy chooilley nhee.