Noo Mark 9:43 - Yn Conaant Noa 1810

⁴³ As my ta dty laue dy dty hayrn gys yn olk, giare jeed ee: te ny share dhyt goll stiagh ayns y vea veayn, baccagh, na daa laue y ve ayd, as oo dy gholl gys niurin, gys yn aile nagh bee dy bragh er ny vooghey.

Yn Vible Casherick 1775 1819

⁴³ As my ta dty laue dy dty hayrn gys yn olk, giare jeed ee: te ny share dhyt goll stiagh ayns y vea veayn, baccagh, na daa laue y ve ayd, as oo dy gholl gys niurin, gys yn aile nagh bee dy bragh er ny vooghey.

Noo Mark 9:43 ပူးပေါင်းရင်းမြစ်များ

Noo Mian 17:27

Ny‐yeih, son nagh bee cômys er ny chur hooin, immee uss gys y cheayn, as lhig sheese dooan, as trog y chied eeast hig hood: as tra vees oo er vosley e veeal yiow peesh dy argid ayn; shen gow, as eeck eh er my hon’s as er dty hon hene.

Noo Mian 25:41

Eisht jir eh roosyn myrgeddin er y laue chiare, Immee‐jee voym, chloan churstey gys yn aile dy bragh farraghtyn, kiarit son y drogh‐spyrryd as e ainleyn.

Noo Mian 3:12

Ta’n cleayst echey ayns e laue, as nee eh dy bollagh e laare‐vooie y ghlenney, as gowee eh e churnaght stiagh ayns e hie‐tashtee: agh loshtee eh yn choau lesh aile nagh bee er ny vooghey.

Noo Mian 5:22

Agh ta mish gra riuish, Quoi‐erbee ta fargagh rish e vraar gyn oyr, dy jig eshyn neesht fo kerraghey yn vriwnys: as quoi‐erbee jir rish e vraar, Raca: dy jig eh fo briwynys yn ard‐whuaiyl: agh quoi‐erbee jir, Uss ommydan, dy bee eh ayns gaue aile niurin.

Noo Mark 9:44

Raad nagh vel y veishteig oc geddyn baase, as cha vel yn aile er ny vooghey.

Noo Luke 14:13

Agh tra t’ou jannoo cuirraghyn, eïe er ny boghtyn, ny baccee, ny croobee, as ny doail:

Noo Luke 14:21

Myr shen haink y charvaant cheddin, as hoilshee eh da e hiarn ny reddyn shoh. Eisht va mainshter y thie jymmoosagh, as dooyrt eh rish e harvaant, Gow magh dy tappee gys straidyn as raaidyn yn ard‐valley, as cur lhiat stiagh ayns shoh ny boghtyn, as ny baccee, as ny croobee, as ny doail.

Noo Luke 3:17

Ta’n cleayst echey ayns e laue, as fasnee eh dy bollagh e laare‐vooie, as gowee eh yn churnaght stiagh ayns e hie tashtee; agh yn coau nee eh y lostey lesh aile nagh bee er ny vooghey.

Romanee 8:13

Son my ta shiu beaghey lurg yn eill, yiow shiu baase: agh my ta shiu trooid y Spyrryd cur naardey obbraghyn y challin, bee shiu bio.

1 Corinthianee 9:27

Agh ta mee freayll my chorp fo, as dy smaghtaghey eh; er‐aggle liorish aght erbee, erreish dooys v’er breacheil da feallagh elley, dy beign’s mee hene tilgit jeh.

Galatianee 5:24

As adsyn ta lesh Creest, ta’d er chrossey yn eill, marish ny yeearreeyn as ny sayntyn.

Colossianee 3:5

Smaghtee‐jee er‐y‐fa shen ny oltyn thallooinagh eu; maarderys, neu‐ghlennid, yeearree neu‐chooie, drogh vian, as saynt seihltagh, ta dy chur ammys da jallooyn:

Titus 2:12

Gynsaghey dooin, liorish, gobbal mee‐chraueeaght as yeearreeyn seihlltagh, dy lhisagh shin beaghey dy sheelt, dy cairal, as dy crauee ayns y theihll shoh;

Hebrewnee 12:1

Shen‐y‐fa fakin dy vel shinyn myrgeddin combaasit mygeayrt lesh lheid yn earroo [ooasle] dy eanishyn, lhig dooin cur voïn dy chooilley hrimmid, as y peccah shen ta cha aarloo dy nyn lhiettal, as lhig dooin dy jeean roie yn race ta soit kiongoyrt rooin,

1 Peddyr 2:1

Shen‐y‐fa coyrt dy lhiattee dy chooilley ghoanlys, as dy chooilley volteyraght, as foalsaght, as troo, as dy chooilley ghrogh ghlare,