Noo Mark 9:25 - Yn Conaant Noa 1810

²⁵ Tra honnick Yeesey dy row yn pobble ayns preis chionney dy cheilley, vaggyr eh er y spyrryd neu‐ghlen, as dooyrt eh rish, Uss spyrryd balloo as bouyr, ta mee dy dty harey, Oo dy heet magh ass, as gyn arragh dy gholl stiagh ayn.

Yn Vible Casherick 1775 1819

²⁵ Tra honnick Yeesey dy row yn pobble ayns preis chionney dy cheilley, vaggyr eh er y spyrryd neu-ghlen, as dooyrt eh rish, Uss spyrryd balloo as bouyr, ta mee dy dty harey, Oo dy heet magh ass, as gyn arragh dy gholl stiagh ayn.

Noo Mark 9:25 ပူးပေါင်းရင်းမြစ်များ

Noo Mian 12:22

Eisht hug ad lhieu huggey dooinney seagnit lesh drogh‐spyrryd, doal as balloo: as ren eh eh y lheihys, myr shen dy ren eshyn va doal as balloo chammah loayrt as fakin.

Noo Mian 17:18

As vaggyr Yeesey er y drogh‐spyrryd, as hie eh magh ass: as va’n lhiannoo er ny lheihys veih’n oor shen.

Noo Mark 9:15

As chelleeragh tra honnick yn pobble eh, ghow ad ooilley lane boggey jeh, as roie ad huggey goltaghey da.

Noo Mark 9:24

As chelleeragh deïe ayr y lhiennoo, as dooyrt eh lesh jeir, Hiarn, ta mee credjal; niartee lesh my chredjue faase.

Noo Mark 9:26

As dylleeyn spyrryd, as deiyr eh noon as noal eh, as haink eh magh ass; as v’eh myr dy beagh eh marroo, ayns wheesh as dy dooyrt ymmodee, T’eh marroo.

Noo Luke 11:14

As v’eh tilgey magh drogh‐spyrryd, as v’eh balloo. As haink eh gy‐kione, tra va’n drogh‐spyrryd er gholl ass dy loayr y balloo: as ghow yn pobble yindys.

Noo Luke 4:35

As hug Yeesey oghsan da, gra, Bee dty host, as tar magh ass. As tra va’n drogh spyrryd er hilgey neeal eh, haink eh magh ass, gyn assee da.

Noo Luke 4:41

As haink drogh‐spyrrydyn myrgeddin magh ass ymmodee, gyllagh as gra, Oo yn Creest Mac Yee. As hug eh oghsan daue, as cha lhig eh daue loayrt; son va fys oc dy nee eh va’n Creest.

Noo Luke 8:29

(Son v’eh er harey yn spyrryd neu‐ghlen dy heet magh ass y dooinney. Son v’eh dy mennick er hoiaghey er: as v’eh freilt kianlt lesh geulaghyn, as ayns yiarnyn; as vrish eh ny geulaghyn, as v’eh er ny ve eiyrit liorish y drogh‐spyrryd gys yn aasagh)

Noo Luke 9:42

As myr v’eh foast cheet, cheau yn drogh‐spyrryd sheese eh ayns strepyn: agh vaggyr Yeesey er y spyrryd neu‐ghlen, as laanee eh yn lhiannoo, as livrey eh eh reesht gys e ayr.

Jannoo 16:18

As shoh ren ee ry ymmodee laghyn. Agh Paul seaghnit ec shoh, hyndaa eh, as dooyrt eh rish y spyrryd, Ta mee dy dty harey ayns ennym Yeesey Creest oo dy heet magh ass‐jee. As haink eh magh yn oor cheddin.

Jude 1:9

Agh Michael yn ard‐ainle, tra ayns streeu rish y drogh spyrryd, v’eh pleadeil mychione corp Voses, cha ghow eh er dy choyrt stiagh plaiynt oltooanagh n’oï, agh dooyrt eh, Dy der y Chiarn oo dty host.