Noo Mark 9:20 - Yn Conaant Noa 1810

²⁰ As hug ad lhieu eh huggey: as tra honnick eh eh, chelleeragh deiyr y spyrryd eh noon as noal, as huitt eh er y thalloo, rowlal as‐keshal ec y veeal.

Yn Vible Casherick 1775 1819

²⁰ As hug ad lhieu eh huggey: as tra honnick eh eh, chelleeragh deiyr y spyrryd eh noon as noal, as huitt eh er y thalloo, rowlal as keshal ec y veeal.

Noo Mark 9:20 ပူးပေါင်းရင်းမြစ်များ

Noo Mark 1:26

As tra va’n spyrryd neughlen er n’eiyrt ee noon as noal, as er n’eamagh lesh ard‐choraa, haink eh magh ass.

Noo Mark 9:18

As raad erbee dy vel eh dy ghoaill eh, t’eh dy eiyrt eh noon as noal; as t’eh keshal as snaggeraght lesh e eeacklyn, as shymley ersooyl: as loayr mee rish dty ostyllyn, ad dy chastey eh; agh cha daink eh lhieu.

Noo Mark 9:19

Dreggyr eshyn as dooyrt eh, O heeloghe vee‐chredjuagh, caïd ta mish dy ve mêriu? caïd ta mee dy hurranse diu? cur lhiat eh hym’s.

Noo Mark 9:21

As dênee eh jeh’n ayr echey, Caïd neayr as haink shoh er? As dooyrt eh, T’eh er ve myr shoh neayr as v’eh ny lhiannoo.

Noo Mark 9:26

As dylleeyn spyrryd, as deiyr eh noon as noal eh, as haink eh magh ass; as v’eh myr dy beagh eh marroo, ayns wheesh as dy dooyrt ymmodee, T’eh marroo.

Noo Luke 4:35

As hug Yeesey oghsan da, gra, Bee dty host, as tar magh ass. As tra va’n drogh spyrryd er hilgey neeal eh, haink eh magh ass, gyn assee da.

Noo Luke 8:29

(Son v’eh er harey yn spyrryd neu‐ghlen dy heet magh ass y dooinney. Son v’eh dy mennick er hoiaghey er: as v’eh freilt kianlt lesh geulaghyn, as ayns yiarnyn; as vrish eh ny geulaghyn, as v’eh er ny ve eiyrit liorish y drogh‐spyrryd gys yn aasagh)

Noo Luke 9:39

As cur‐my‐ner, ta spyrryd dy ghoaill eh, as doaltattym t’eh gyllagh; as tuittym neeal, t’eh keshal, as s’coan t’eh cheet huggey hene, erreish da ve dy mooar broojit.

Noo Luke 9:42

As myr v’eh foast cheet, cheau yn drogh‐spyrryd sheese eh ayns strepyn: agh vaggyr Yeesey er y spyrryd neu‐ghlen, as laanee eh yn lhiannoo, as livrey eh eh reesht gys e ayr.

Noo Ean 8:44

Ta shiuish jeh’n ayr eu yn drogh‐spyrryd, as saynt nyn ayrey, ver shiu rish: v’eshyn ny ghunver er‐dyn toshiaght, as cha ren eh tannaghtyn ’syn ynrickys, son nagh vel yn irriney ayn. Tra t’eh loayrt breg, t’eh loayrt jeh e chooid hene: son t’eh ny vreagerey, as ayr ny breagey.

1 Peddyr 5:8

Bee‐jee sheelt, bee‐jee er nyn arrey; er‐yn‐oyr dy vel y noid eu yn drogh‐spyrryd myr lion buirroogh, shooyl mygeayrt, shirrey quoi oddys eh y stroie: