Noo Mark 8:34 - Yn Conaant Noa 1810

³⁴ As tra v’eh er n’eamagh er y pobble huggey, marish e ostyllyn, dooyrt eh roo, Quoi‐erbee ta aggindagh‐geiyrt orrym’s, lhig da eh hene y obbal, as e chrosh y hroggal, as geiyrt orrym.

Yn Vible Casherick 1775 1819

³⁴ As tra v’eh er n’eamagh er y pobble huggey, marish e ostyllyn, dooyrt eh roo, Quoi-erbee ta aggindagh geiyrt orrym’s, lhig da eh-hene y obbal, as e chrosh y hroggal, as geiyrt orrym.

Noo Mark 8:34 ပူးပေါင်းရင်းမြစ်များ

Noo Mian 10:38

As eshyn nagh jean e chrosh y ymmyrkey, as geiyrt orrym’s, cha vel eh feeu jee’m.

Noo Mian 16:24

Eisht dooyrt Yeesey rish e ostyllyn, My ta dooinney erbee aggindagh geiyrt orrym’s, lhig da eh hene y obbal, as e chrosh y hroggal, as geiyrt orrym.

Noo Mian 27:32

As myr haink ad magh, hooar ad dooinney jeh Cyrene, enmyssit Simon: eshyn d’êginee ad dy ymmyrkey yn chrosh mârish.

Noo Mark 10:21

Eisht Yeesey, jeeaghyn dy ennoil er, dooyrt rish, Ta un red ort foast dy yannoo: immee royd, as creck ny t’ayd, as cur eh da ny boghtyn, as bee berchys ayd ayns niau; as tar, trog y chrosh, as eiyr orrym’s.

Noo Mark 7:14

As tra v’eh er n’eamagh er ooilley yn pobble huggey, dooyrt eh roo, Eaisht‐jee ooilley rhym’s, as toig‐jee.

Noo Luke 13:24

Streeu‐jee shiuish dy gholl stiagh er y ghiat coon: son nee ymmodee, ta mee gra riu, shirrey goll stiagh, agh cha jig eh lhieu.

Noo Luke 14:33

Myr shen myrgeddin quoi‐erbee jiuish, nagh vel treigeil ooilley ny t’echey, cha vod eh ve ny eiyrtyssagh dooys.

Noo Luke 18:22

Nish tra cheayll Yeesey shoh, dooyrt eh rish, Ta foast ort un red y yannoo: creck as rheynn ooilley ny t’ayd er ny boghtyn, as bee berchys ayd ayns niau: as tar, as eiyr orrym’s.

Noo Luke 20:45

Eisht ayns clashtyn ooilley yn pobble, dooyrt eh rish e ostyllyn,

Noo Luke 9:23

As dooyrt eh roo ooilley, My ta dooinney erbee aggindagh geiyrt orrym’s, lhig da eh hene y obbal, as e chrosh y hroggal gagh laa, as geiyrt orrym.

Noo Ean 10:27

Ta my chirree clashtyn my choraa, as ta enney aym orroo, as eiyree ad orrym.

Noo Ean 19:17

As dymmyrk eh e chrosh, as hie eh magh gys ynnyd yiarragh ad ynnyd y vollag rish, ta enmyssit ayns Hebrew, Golgotha.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

Romanee 6:6

Toiggal shoh, dy vel y chenn ghooinney ain er ny chrossey mârish, dy voddagh corp peccah ve er ny stroie, nagh jinnagh shin ny sodjey peccah y hirveish.

Romanee 8:17

As my she cloan shin, eisht eiraghyn; eiraghyn dy Yee, as co‐eiraghyn marish Creest: my she shen dy vel shin surranse mârishyn, dy vod mayd myrgeddin ve cooidjagh er nyn ghloyraghey.

1 Corinthianee 15:31

Ta mee dy hickyraghey liorish y gerjagh t’ainyn ayns Creest Yeesey nyn Jiarn, dy vel mee geddyn vaaish gaghlaa.

1 Corinthianee 8:13

Er‐y‐fa shen my ver ny ta mee gee oyr da my vraar dy huittym ayns peccah, cha n’ee‐ym feill choud as s’bio mee, er‐aggle dy dayrn‐ym my vraar gys peccah.

1 Corinthianee 9:19

Son ga nagh vel mee fo kiangley gys dooinney erbee, foast ta mee er n’yannoo mee hene my harvaant daue ooilley, dy voddin ny smoo y chosney [gys y chredjue.]

Galatianee 2:20

Ta mee er my chrossey marish Creest: Ny‐yeih ta mee bio; foast cha nee mish, agh Creest ta bio aynym: as y vea ta mee nish dy veaghey ’syn eill, ta mee beaghey liorish credjue Mac Yee, va graih echey orrym, as ren eh‐hene y choyrt er my hon.

Galatianee 5:24

As adsyn ta lesh Creest, ta’d er chrossey yn eill, marish ny yeearreeyn as ny sayntyn.

Galatianee 6:14

Agh ny lhig eh Jee dy jinnin’s boggyssagh, agh ayns crosh nyn Jiarn Yeesey Creest, liorish ta’n seihll er ny chrossey hym’s, as mish gys y theihll.

Philippianee 3:10

Dy vod enney ’ve aym ersyn, as toiggal pooar yn irree‐seose reesht echey, as yn ayrn t’aym’s ayns e hurranse, dy ve er my yannoo casley rishyn ayns e vaase;

Philippianee 3:7

Agh ny reddyn shen va cosney dooys, ad shen choont mee coayl er graih Chreest.

Colossianee 1:24

Ta nish goaill boggey ayns my hurranse er nyn son, as lhieeney seose shen ny ta er‐gooyl jeh seaghyn Chreest ayns my eill, er graih yn chorp echeysyn, ta shen yn agglish:

Colossianee 3:5

Smaghtee‐jee er‐y‐fa shen ny oltyn thallooinagh eu; maarderys, neu‐ghlennid, yeearree neu‐chooie, drogh vian, as saynt seihltagh, ta dy chur ammys da jallooyn:

2 Thessalonianee 3:11

Son ta shin clashtyn dy vel nyn lheid ayn ta gymmyrkey ad hene dy lhiastey ny vud eu, nagh vel lhie rish turn y yannoo, agh ta seiy ad hene ayns cooishyn sleih elley.

Titus 2:12

Gynsaghey dooin, liorish, gobbal mee‐chraueeaght as yeearreeyn seihlltagh, dy lhisagh shin beaghey dy sheelt, dy cairal, as dy crauee ayns y theihll shoh;

Hebrewnee 13:13

Lhig dooin er‐y‐fa shen goll magh huggeysyn cheu‐mooie jeh’n champ, gymmyrkey yn scammylt echey.

1 Peddyr 4:1

Ayns wheesh eisht as dy vel Creest er hurranse er nyn son ayns yn eill, bee‐jee shiuish myrgeddin eillit lesh yn aigney cheddin: son eshyn t’er hurranse ayns yn eill, t’eh er scuirr veih peccah;

1 Peddyr 4:13

Agh gow‐jee boggey, ayns wheesh as dy vel shiu goaill ayrn jeh surranseyn Chreest; tra vees y ghloyr echeysyn er ny hoilshageey, dy vod shiuish ve gennal myrgeddin lesh boggey erskyn earroo.

2 Peddyr 1:14

Toiggal dy nhegin dou dy gerrit cur jee’m shoh my chabbane, dy jarroo myr ta nyn Jiarn Yeesey Creest er hoilshaghey dou.

1 Ean 3:16

Liorish shoh ta shin toiggal graih Yee, ayns dy dug eh sheese e vioys er nyn son: as lhisagh shinyn nyn mioys y chur sheese son ny braaraghyn.

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.