Noo Mark 8:2 - Yn Conaant Noa 1810

² Ta chymmey aym’s er y pobble, er‐yn‐oyr dy vel ad er ny ve mârym nish three laa, as nagh vel monney oc dy ee:

Yn Vible Casherick 1775 1819

² Ta chymmey aym’s er y pobble, er-yn-oyr dy vel ad er ny ve mârym nish three laa, as nagh vel monney oc dy ee:

Noo Mark 8:2 ပူးပေါင်းရင်းမြစ်များ

Noo Mian 14:14

As hie Yeesey magh, as honnick eh chaglym mooar dy leih, as v’eh er veiyghey lesh chymmey orroo, as laanee eh adsyn va ching.

Noo Mian 20:34

Myr shen va chymmey ec Yeesey orroo, as venn eh rish ny sooillyn oc: as chelleeragh hooar ny sooillyn oc nyn soilshey, as deiyr ad er.

Noo Mian 9:36

Agh tra honnick eh yn chaglym mooar dy leih, v’eh er ny veiyghey lesh chymmey orroo, er‐yn‐oyr dy row ad tooillit, as er nyn skeayley noon as noal, myr kirree fegooish bochilley.

Noo Mark 1:41

As va Yeesey er ny veiyghey lesh chymmey, as heeyn eh magh e laue, as venn eh rish, as dooyrt eh, M’aigney’s eh, bee er dty ghlenney.

Noo Mark 5:19

Agh cha lhiggagh Yeesey da, agh dooyrt eh rish, Immee thie gys dty vooinjer hene, as insh daue cre ny reddyn mooarey ta’n Chiarn er n’yannoo er dty hon, as dy vel chimmey er ve echey ort.

Noo Mark 6:32

As jimmee ad ayns lhong gys ynnyd faasagh er‐lheh.

Noo Mark 6:34

As tra va Yeesey er jeet er thalloo honnick eh earroo mooar dy leih, as v’eh er ny veiyghey lesh chymmey orroo, er‐yn‐oyr dy row ad myr kirree fegooish bochilley: as ren eh toshiaght dy ynsaghey ad ayns ymmodee reddyn.

Noo Mark 8:3

As my ver‐ym ad ersooyl nyn drostey gys nyn dhieyn hene, nee ad gannooinaghey er y raad: son ta paart jeu er jeet veih foddey.

Noo Mark 9:22

As dy mennick t’eh er hilgey eh ayns yn aile, as ayns ny ushtaghyn, dy stroie eh: agh my oddys oo nhee erbee y yannoo, jean chymmey orrin, as cooin lhien.

Noo Luke 15:20

As hrog eh er, as haink eh gys e ayr. Agh tra v’eh foast foddey veih, honnick e ayr eh, as va chymmey echey er, as roie eh, as ghow eh eh ayns e roihaghyn, as phaag eh eh.

Noo Luke 7:13

As tra honnick y Chiarn ee, va chymmey echey urree, as dooyrt eh r’ee, Ny jean keayney.

Hebrewnee 2:17

Shen‐y‐fa ve cooie da er dy chooilley aght dy ve jeant casley rish e vraaraghyn; dy voddagh eh ve ny ard‐saggyrt myghinagh as firrinagh, ayns reddyn bentyn rish Jee, dy yannoo lhiassaghey son peccaghyn yn phobble:

Hebrewnee 4:15

Son cha vel ain ard‐saggyrt nagh vel ennaghtyn chymmoil echey jeh nyn annooinidyn; agh v’eh er dy chooilley aght er ny phrowal lesh seaghyn myr ta shin hene, foast fegooish peccah.

Hebrewnee 5:2

Oddys chymmey y hoilshaghey er ny mee‐hushtee, as orroosyn t’er n’gholl er‐shaghryn; son dy vel eh hene injillit gys annooinid: