Noo Mark 8:17 - Yn Conaant Noa 1810

¹⁷ As tra va fys ec Yeesey er, dooyrt eh roo, Cre’n‐fa ta shiu arganey ny vud eu hene, son nagh vel arran eu? nagh vel shiu foast cur tastey, ny toiggal? vel y cree eu foast moal ayns tushtey?

Yn Vible Casherick 1775 1819

¹⁷ As tra va fys ec Yeesey er, dooyrt eh roo, Cre’n-fa ta shiu arganey ny-vud eu hene, son nagh vel arran eu? nagh vel shiu foast cur tastey, ny toiggal? vel y cree eu foast moal ayns tushtey?

Noo Mark 8:17 ပူးပေါင်းရင်းမြစ်များ

Noo Mian 12:15

Agh tra va fys ec Yeesey er, jimmee eh veih shen: as deiyr earrooyn mooarey dy leih er, as ren eh ad ooilley y lheihys.

Noo Mian 15:17

Nagh vel shiu foast toiggal, cre‐erbee ta goit stiagh ayns y veeal, dy vel eh goll sheese ayns y volg, as goll magh trooid y chorp?

Noo Mian 16:7

As loayr ad ry‐cheilley, gra, Ta shoh er yn oyr nagh dug shin lhien arran.

Noo Mark 16:14

Ny lurg shen hoilshee eh eh‐hene da’n un ostyl yeig, myr v’ad nyn soie ec bee, as hooar eh foill daue son y vee‐credjue as y chreoghys cree oc, er‐yn‐oyr nagh ren ad credjal adsyn v’er vakin eh, erreish da v’er n’irree.

Noo Mark 2:8

As chelleeragh tra dennee Yeesey ayns e spyrryd dy row ad myr shoh resooney cheu‐sthie jeu hene, dooyrt eh roo, Cre’n‐fa ta shiu smooinaghtyn lheid ny reddyn shoh ayns nyn greeaghyn?

Noo Mark 3:5

As tra v’eh er yeeaghyn mygeayrt orroo lesh corree, ve’h seaghnit son creoghys nyn greeaghyn, as dooyrt eh rish y dooinney, Sheeyn magh dty laue: as heeyn eh magh ee; as va e laue er ny laanaghey myr y laue elley.

Noo Mark 6:52

Son cha chooinee ad er [mirril] ny bwilleenyn, son va’n cree oc er ny chreoghey.

Noo Mark 8:16

As v’ad pleadeil ry‐cheilley, gra, Ta shoh er‐yn‐oyr nagh vel arran ain.

Noo Luke 24:25

Eisht dooyrt eh roo, O shiuish gheiney mee‐hushtagh, as faase‐chredjuagh, nagh vel goaill baght jeh ooilley ny ta ny phadeyryn er loayrt!

Noo Ean 16:30

Nish ta shin shickyr dy vel fys ayd er dy chooilley nhee, as nagh vel feme ayd dooinney erbee dy ênaght jeed: liorish shoh ta shin credjal dy daink oo magh veih Jee.

Noo Ean 21:17

Dooyrt eh rish yn trass cheayrt, Simon mac Yonas, vel oo graihagh orrym? Va Peddyr mooar‐seaghnit dy dooyrt eh rish yn trass cheayrt, Vel oo graihagh orrym? As dooyrt eh rish, Hiarn, ta fys ayd’s er dy chooilley nhee; as fys ayd hene dy vel mee graihagh ort. Dooyrt Yeesey rish, Jeeagh dy mie da my chirree.

Ashlish 2:23

As stroie‐ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver‐yms da dagh unnane eu cordail rish nyn obbraghyn.