Noo Mark 7:4 - Yn Conaant Noa 1810

⁴ As tra t’ad cheet thie veih’n vargey, cha vel ad gee, derrey t’ad niee. As ta ymmodee dy reddyn elley, t’ad er ghoaill orroo dy reayll, niee cappanyn as siyn crayee, siyn prashey as buird.

Yn Vible Casherick 1775 1819

⁴ As tra t’ad cheet thie veih’n vargey, cha vel ad gee, derrey t’ad niee. As ta ymmodee dy reddyn elley, t’ad er ghoaill orroo dy reayll, niee cappanyn as siyn crayee, siyn prashey as buird.

Noo Mark 7:4 ပူးပေါင်းရင်းမြစ်များ

Noo Mian 23:25

Smerg diu scrudeyryn as Phariseeyn, chrauee‐oalsey: son ta shiu glenney yn cappan as y claare er cheu‐mooie, agh cheu‐sthie t’ad lane dy hranlaase as dy neu‐heeltys.

Noo Mian 23:26

Pharisee ghoal, glen hoshiaght cheu‐sthie yn chappan as y chlaare, dy vod y cheu‐mooie ve glen myrgeddin.

Noo Mian 27:24

Tra honnick Pilate nagh dug ad geill da e choyrle, agh dy row ad aarloo dy irree‐magh, ghow eh ushtey, as niee eh e laueyn kiongoyrt rish y pobble, gra, Ta mish neu‐chyndagh jeh fuill yn phersoon cairagh shen jeeagh‐jee shiuish da.

Noo Mark 7:8

Son treigeil annaghyn Yee ta shiu freeayll oardaghyn deiney, niee siyn crayee as cappanyn: as ymmodee lheid ny reddyn shen ta shiu dy yannoo.

Noo Ean 2:6

As va soit ayns shen shey siyn cloaie ry‐hoi ushtey lurg cliaghtey ny Hewnyn son glenney, cummal ghaa ny three dy firkinyn y pheesh.

Noo Ean 3:25

Eisht dirree question eddyr paart jeh ynseydee Ean as ny Hewnyn, mychione bashtey.

Hebrewnee 9:10

Yn chirveish cheddin va shassoo ny lomarcan ayns bee as jough, as ymmodee oonlaghyn as oardaghyn foalley, kianlt orroo derrey imbagh yn stayd noa.

Jamys 4:8

Tayrn‐jee er‐gerrey gys Jee, as tayrnee eshyn er gerrey diuish: niee jee nyn laueyn, shiuish pheccee, as glen‐jee nyn greeaghyn, shiuish dy aigney ghooble.

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.