Noo Mark 7:37 - Yn Conaant Noa 1810

³⁷ As va’d erskyn towse atchimagh, gra, T’eh er n’yannoo dy chooilley nhee dy mie: t’eh cur chammah er ny beuyr dy chlashtyn, as ny balloo dy loayrt.

Yn Vible Casherick 1775 1819

³⁷ As v’ad erskyn-towse atchimagh, gra, T’eh er n’yannoo dy chooilley nhee dy mie: t’eh cur chammah er ny beuyr dy chlashtyn, as ny balloo dy loayrt.

Noo Mark 7:37 ပူးပေါင်းရင်းမြစ်များ

Noo Mian 9:32

Erreish daue shoh v’er n’gholl ersooyl, cur‐my‐ner hug ad lhieu huggey dooinney balloo va drogh‐spyrryd ayn.

Noo Mark 1:27

As vaad ooilley fo atchim, ayns wheesh as dy row ad reesoon‐ey nyn mast’ oc hene, gra, Cre’n red shoh? cre’n ynsagh noa shoh? son ta ny eer spyrrydyn neu‐ghlen dy pooaral echey fo smaght, as t’ad beasagh da.

Noo Mark 2:12

As chelleeragh dirree eh, hrog eh e lhiabbee, as hie eh magh kiongoyrt roo ooilley, ayns wheesh as dy row ad ooilley lhieent lesh atchim, as dy ren ad Jee y ghloyraghey, gra, Cha vaik shin eh rieau er yn aght shoh.

Noo Mark 4:41

As va’d feer agglagh, as dooyrt ad yn derrey yeh rish y jeh elley, cre’n monney dy ghooinney eh shoh, dy vel y gheay hene as y faarkey cur biallys da?

Noo Mark 5:42

As chelleeragh dirree yn ven‐aeg, as huill ee; son v’ee daa vlein jeig dy eash: as v’ad erskyn‐towse atchimagh.

Noo Mark 6:51

As hie eh seose ’sy lhong huc, as ghow yn gheay fea: as v’ad feer atchimagh ayndoo hene erskyn towse, as goaill yindys.

Noo Mark 7:36

As hug eh currym orroo gyn ad dy insh shoh da dooinney erbee: agh myr smoo hug eh currym orroo, wheesh shen foddey smoo ren adsyn y hoilshaghey eh.

Noo Mark 8:1

Ayns ny laghyn shen va earroo yn phobble feer vooar, as gyn veg y veaghey oc dy ghoaill, deïe Yeesey er e ostyllyn huggey, as dooyrt eh roo:

Noo Luke 23:41

As shinyn dy jarroo dy cairagh; son ta shin er gheddyn toil‐chinys cooie yn jannoo ain: agh cha vel y dooinney shoh er n’yannoo aggair erbee.

Jannoo 14:11

As tra honnick y pobble cre va Paul er n’yannoo, hrog ad seose ny goraaghyn, gra ayns glare Lycaonia, Ta ny Jeeghyn er jeet neose hooin ayns cummey deiney.