Noo Mark 7:34 - Yn Conaant Noa 1810

³⁴ As yeeagh eh seose gys niau, as lhig eh osney, as dooyrt eh rish, Ephphatha, ta shen, Bee foshlit.

Yn Vible Casherick 1775 1819

³⁴ As yeeagh eh seose gys niau, as lhig eh osney, as dooyrt eh rish, Ephphatha, ta shen, Bee foshlit.

Noo Mark 7:34 ပူးပေါင်းရင်းမြစ်များ

Noo Mark 1:41

As va Yeesey er ny veiyghey lesh chymmey, as heeyn eh magh e laue, as venn eh rish, as dooyrt eh, M’aigney’s eh, bee er dty ghlenney.

Noo Mark 15:34

As ec yn nuyoo oor deïe Yeesey lesh ard‐choraa, gra, Eloi, Eloi, lama sabachthani? ta shen dy ghra ’sy ghlare ainyn, My Yee, My Yee, cre’n‐fa t’ou er my hreigeil?

Noo Mark 5:41

As ghow eh yn ven‐aeg er laue, as dooyrt eh r’ee, Talitha cumi, ta shen dy ghra, Ven‐aeg (ta mee gra rhyt) irree.

Noo Mark 6:41

As tra v’eh er ghoaill ny queig bwilleenyn as y daa eeast, yeeagh eh seose gys niau, as vannee eh, as vrish eh ny bwilleenyn, as hug eh ad da e ostyllyn dy hoiaghey rhymboo; as y daa eeast rheynn eh ny mast’ oc ooilley.

Noo Mark 7:35

As chelleeragh va ny cleayshyn echey er nyn vosley, as streng e hengey er ny eaysley, as haink e ghlare lesh.

Noo Mark 8:12

As ren eh osnaghey dy trome ayns e spyrryd, as dooyrt eh, Cre’n‐fa ta’n cheeloghe shoh shirrey cowrey? dy firrinagh ta mee gra riu, Nagh bee cowrey er ny choyrt da’n cheeloghe shoh.

Noo Luke 18:42

As dooyrt Yeesey rish, Dty hoilshey dy row ayd: ta dty chredjue er dty hauail.

Noo Luke 19:41

As tra v’eh er jeet er‐gerrey, yeeagh eh er yn ard‐valley, as cheayn eh harrish,

Noo Luke 7:14

As haink eh, as venn eh rish y carbyd (as hass adsyn va fo) as dooyrt eh, Ghooinney aeg, ta mee gra rhyt, Irree.

Noo Ean 11:33

Tra honnick Yeesey ee er‐y‐fa shen keayney, as ny Hewnyn myrgeddin keayney v’er jeet mâree, hayrn eh osney hrome, as ve’h seaghnit;

Noo Ean 11:35

Ren Yeesey keayney.

Noo Ean 11:38

Hayrn Yeesey er‐y‐fa shen osney hrome reesht veih e chree, as haink eh gys yn oaie. She ooig v’ayn, as va clagh er e beeal.

Noo Ean 11:41

Eisht scugh ad y chlagh jeh’n boayl raad va’n Marroo ny lhie. As hrog Yeesey seose e hooillyn, as dooyrt eh, Ayr, ta mee cur booise dhyt dy vel oo er my chlashtyn.

Noo Ean 11:43

As tra v’eh er ghra shoh, deïe eh lesh ard‐choraa, Lazarus, tar magh.

Noo Ean 17:1

Ny goan shoh loayr Yeesey; as hrog eh seose e hooillyn gys niau, as dooyrt eh, Ayr, ta’n oor er jeet; jean dty Vac y ghloyraghey, dy vod dty Vac myrgeddin uss y ghloyraghey.

Jannoo 9:34

As dooyrt Peddyr rish, Eneas, ta Yeesey Creest dy dty lheihys: irree, as jean dty lhiabbee. As dirree eh chelleeragh.

Jannoo 9:40

Agh hug Peddyr ad ooilley magh, as ghlioon eh sheese, as ghow eh padjer, as hyndaa eh gys y chorp, as dooyrt eh, Tabitha, irree seose. As doshil ee e sooillyn: as tra honnick ee Peddyr, hoie ee seose.

Hebrewnee 4:15

Son cha vel ain ard‐saggyrt nagh vel ennaghtyn chymmoil echey jeh nyn annooinidyn; agh v’eh er dy chooilley aght er ny phrowal lesh seaghyn myr ta shin hene, foast fegooish peccah.