Noo Mark 7:20 - Yn Conaant Noa 1810

²⁰ As dooyrt eh, Shen ta cheet magh ass y dooinney, ta jannoo yn dooinney neu‐ghlen.

Yn Vible Casherick 1775 1819

²⁰ As dooyrt eh, Shen ta cheet magh ass y dooinney, ta jannoo yn dooinney neu-ghlen.

Noo Mark 7:20 ပူးပေါင်းရင်းမြစ်များ

Noo Mian 15:18

Agh ta ny reddyn ta cheet magh ass y veeal, cheet veih’n chree, as t’ad shen jannoo dooinney neu‐ghlen.

Noo Mian 4:4

Agh dreggyr eshyn, gra, Te scruit, Cha nee liorish arran ny lomarcan nee dooinney beaghey, agh liorish dy chooilley ockle ta cheet magh ass beeal Yee.

Noo Mark 7:15

Cha vel nhee erbee veih cheu‐mooie jeh dooinney, oddys goll stiagh ayn, as jannoo neu‐ghlen jeh: agh ny reddyn ta cheet veih cheu‐sthie jeh, ad shen ta jannoo neu‐ghlen jeh’n dooinney.

Noo Mark 7:21

Son veih cheu‐sthie, magh veih creeaghyn deiney, ta cheet drogh‐smooinaghtyn, brishey‐poosey, maarderys, dunverys,

Noo Mark 7:23

Ta ooilley ny drogh reddyn shoh cheet veih cheu‐sthie, as jannoo yn dooinney neu‐ghlen.

Hebrewnee 7:6

Agh eshyn nagh row yn kynney echey coontit vouesyn, ghow eh jaghee veih Abraham, as vannee eh eshyn da va ny gialdynyn jeant.

Jamys 3:6

As t’an chengey ny aile, seihll dy vee‐chairys: myr shen ta’n chengey mastey ny oltyn ain, dy vel ee milhey yn slane corp, as cur yn seihll bun‐ry‐skyn; as t’ee soit er aile liorish niurin.

Jamys 4:1

Cre voish ta cheet caggaghyn as streeughyn nyn mast’ eu? nagh vel ad cheet veih shoh, dy jarroo veih nyn sayntyn, ta caggey ayns nyn oltyn?