Noo Mark 6:51 - Yn Conaant Noa 1810

⁵¹ As hie eh seose ’sy lhong huc, as ghow yn gheay fea: as v’ad feer atchimagh ayndoo hene erskyn towse, as goaill yindys.

Yn Vible Casherick 1775 1819

⁵¹ As hie eh seose ’sy lhong huc, as ghow yn gheay fea: as v’ad feer atchimagh ayndoo hene erskyn towse, as goaill yindys.

Noo Mark 6:51 ပူးပေါင်းရင်းမြစ်များ

Noo Mian 8:10

Tra cheayll Yeesey shoh ghow eh yindys, as dooyrt eh roosyn va geiyrt er, Dy firrinagh ta mee gra riu, Lheid y credjue lajer shoh, cha vel mee er gheddyn ayns Israel hene.

Noo Mark 1:27

As vaad ooilley fo atchim, ayns wheesh as dy row ad reesoon‐ey nyn mast’ oc hene, gra, Cre’n red shoh? cre’n ynsagh noa shoh? son ta ny eer spyrrydyn neu‐ghlen dy pooaral echey fo smaght, as t’ad beasagh da.

Noo Mark 2:12

As chelleeragh dirree eh, hrog eh e lhiabbee, as hie eh magh kiongoyrt roo ooilley, ayns wheesh as dy row ad ooilley lhieent lesh atchim, as dy ren ad Jee y ghloyraghey, gra, Cha vaik shin eh rieau er yn aght shoh.

Noo Mark 4:39

As dirree eh, as smaghtee eh yn gheay, as dooyrt eh rish y faarkey, Gow fea, bee kiune: as ghow yn gheay fea, as va kiuney vooar ayn.

Noo Mark 4:41

As va’d feer agglagh, as dooyrt ad yn derrey yeh rish y jeh elley, cre’n monney dy ghooinney eh shoh, dy vel y gheay hene as y faarkey cur biallys da?

Noo Mark 5:42

As chelleeragh dirree yn ven‐aeg, as huill ee; son v’ee daa vlein jeig dy eash: as v’ad erskyn‐towse atchimagh.

Noo Mark 6:32

As jimmee ad ayns lhong gys ynnyd faasagh er‐lheh.

Noo Mark 7:37

As va’d erskyn towse atchimagh, gra, T’eh er n’yannoo dy chooilley nhee dy mie: t’eh cur chammah er ny beuyr dy chlashtyn, as ny balloo dy loayrt.

Noo Ean 6:21

Eisht ghow ad eh dy arryltagh stiagh ayns y lhong: as chelleeragh va’n lhong ec y thalloo raad v’ad goll.