Noo Mark 6:20 - Yn Conaant Noa 1810

²⁰ Son va Herod ayns ammys Ean, toiggal dy row eh ny ghooinney cairagh as crauee, as hug eh geill da, as er y choyrle echey v’eh er n’yannoo ymmodee reddyn, as deaisht eh rish dy arryltagh.

Yn Vible Casherick 1775 1819

²⁰ Son va Herod ayns ammys Ean, toiggal dy row eh ny ghooinney cairagh as crauee, as hug eh geill da, as er y choyrle echey v’eh er n’yannoo ymmodee reddyn, as deaisht eh rish dy arryltagh.

Noo Mark 6:20 ပူးပေါင်းရင်းမြစ်များ

Noo Mian 14:5

As tra baillish v’er choyrt eh gy‐baase, v’eh ayns aggle roish y pobble, er‐yn‐oyr dy row ad dy ghoiall eh son phadeyr.

Noo Mian 21:26

Agh my jir mayd, Veih deiney; ta aggle orrin roish y pobble; son ta dy chooilley ghooinney goaill Ean son phadeyr.

Noo Mark 11:18

As cheayll ny scrudeyryn as ny ard‐saggyrtyn jeh, as v’ad shirrey kys oddagh ad eh y stroie: son va’d ayns aggle roish er‐yn‐oyr dy row ooilley yn pobble goaill yindys jeh’n ynsagh echey.

Noo Mark 4:16

As ad shoh neesht yn vooinjer ta cuirt ayns thalloo claghagh, ta, erreish daue v’er chlashtyn y goo, chelleeragh dy ghoaill eh dy aggindagh:

Noo Ean 5:35

V’eshyn ny hoilshey gial as sollys: as va shiu booiagh son earish boggey ’ghoaill ayns y soilshey echey.

Jannoo 2:12

As v’ad ooilley fo atchim as imnea, gra yn derrey yeh rish y jeh elley, Cre s’erree da shoh?

Jannoo 5:24

Nish tra cheayll yn ard‐saggyrt as captan y chiamble as ny ard‐saggyrtyn elley ny goan shoh, v’ad fo imnea cre’n erree harragh er y chooish shoh.