Noo Mark 6:12 - Yn Conaant Noa 1810

¹² As hie ad magh, as ren ad preacheil, sleih dy ghoaill arrys.

Yn Vible Casherick 1775 1819

¹² As hie ad magh, as ren ad preacheil, sleih dy ghoaill arrys.

Noo Mark 6:12 ပူးပေါင်းရင်းမြစ်များ

Noo Mian 11:1

As haink eh gy‐kione, erreish da Yeesey v’er choyrt ny curmyn shoh da e ghaa ostyl jeig, dy jagh eh veih shen dy ynsaghey as dy phreacheil ayns ny ard valjyn mygeayrt.

Noo Mian 11:20

Eisht ren eh toshiaght dy phlaiynt er ny ard‐valjyn, ayndoo va’n chooid smoo jeh e obbraghyn yindyssagh er nyn yannoo, er‐yn‐oyr nagh ghow ad arrys.

Noo Mian 3:2

As gra, Gow‐jee arrys: son ta reeriaght Yee er‐gerrey.

Noo Mian 3:8

Cur‐jee magh nish er‐y‐fa shen messyn cooie dy arrys.

Noo Mian 4:17

Veih yn traa shen ren Yeesey toshiaght dy phreacheil, as dy ghra, Gow‐jee arrys, son ta reeriaght niau er‐gerrey.

Noo Mian 9:13

Agh immee‐jee shiuish, as ynsee‐jee cre ta dy ve toiggit liorish y raa shoh, S’bare lhiam myghin na oural: son cha daink mish dy eamagh er y vooinjer chairagh, agh er peccee gys arrys.

Noo Mark 1:15

As gra, Ta’n tra cooilleenit, as ta reeriaght Yee er‐gerrey: gow‐jee arrys, as cred‐jee yn sushtal.

Noo Mark 1:3

Coraa fer geamagh ayns yn aasagh, Kiartee‐jee raad y Chiarn, jean‐jee ny cassanyn echey jeeragh.

Noo Luke 11:32

Nee deiney Nineveh girree seose ayns briwnys, as y cheeloghe shoh y gheyrey: son ghow adsyn arrys ec preacheil Yonas; as cur‐my‐ner, ta fer syrjey na Jonas ayns shoh.

Noo Luke 13:3

Ta mee ginsh diu, Nagh row: agh mannagh gow shiuish arrys, nee shiu ooilley myrgeddin cherraghtyn.

Noo Luke 13:5

Ta mee ginsh diu, Nagh row: agh mannagh gow‐shiuish arrys, nee shiu ooilley myrgeddin cherraghtyn.

Noo Luke 15:10

Myrgeddin ta mee gra riu, dy vel boggey ayns fenish ainleyn Yee jeh un pheccagh ta goaill arrys.

Noo Luke 15:7

Ta mee gra riu, dy bee boggey myrgeddin ayns niau, jeh un pheccagh ta goaill arrys, ny smoo na jeh kiare‐feed as nuy persoonyn jeig cairagh, nagh vel feme arrys.

Noo Luke 24:47

As arrys as leih peccaghyn dy ve er nyn breacheil ayns yn ennym echey, mastey dy chooilley ashoon, goaill toshiaght ec Jerusalem.

Noo Luke 9:6

As hie ad magh, as jimmee ad trooid ny baljyn, preacheil yn sushtal, as lheihys dy chooilley raad.

Jannoo 11:18

Tra cheayll ad shoh, v’ad nyn dhost, as hug ad gloyr da Jee, gra, Eisht ta Jee da ny Ashoonee myrgeddin er ghialdyn arrys gys bea.

Jannoo 2:38

Eisht dooyrt Peddyr roo, Gow‐jee arrys as bee‐jee er nyn mashtey dy chooilley unnane eu ayns ennym Yeesey Creest, son leih peccaghyn, as yiow shiu gioot y Spyrryd Noo.

Jannoo 20:21

Gymmyrkey feanish chammah gys ny Hewnyn as myrgeddin gys ny Ashoonee, mychione arrys gys Jee, as credjue gys nyn Jiarn Yeesey Creest.

Jannoo 26:20

Agh hoilshee mee hoshiaght dauesyn v’ayns Damascus, as ec Jerusalem, as trooid ooilley ardjyn Yudea, as eisht da ny Ashoonee, ad dy ghoaill arrys as dy hyndaa gys Jee, as dy chur rish obbraghyn cooie son arrys.

Jannoo 3:19

Gow‐jee arrys er‐y‐fa shen, as chyndaa‐jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,