Noo Mark 5:7 - Yn Conaant Noa 1810

⁷ Agh deïe eh lesh ard‐choraa, as dooyrt eh, Cre’n eïe t’ayd orrym, Yeesey Vac yn Jee smoo ard? ta mee guee ort, ayns ennym Yee gyn oo dy my horchaghey.

Yn Vible Casherick 1775 1819

⁷ As deïe eh lesh ard-choraa, as dooyrt eh, Cre’n eïe t’ayd orrym, Yeesey, Vac yn Jee smoo ard? ta mee guee ort, ayns ennym Yee, gyn oo dy my horchaghey.

Noo Mark 5:7 ပူးပေါင်းရင်းမြစ်များ

Noo Mian 16:16

Dreggyr Simon Peddyr, as dooyrt eh, Uss yn Creest, Mac y Jee bio.

Noo Mian 26:63

Agh va Yeesey ny host. As dreggyr yn ard‐saggyrt as dooyrt eh rish, Ta mee cur currym ort liorish y Jee bio, oo dy insh dooin, nee oo yn Creest mac Yee.

Noo Mian 4:3

As haink y mioleyder huggey, gra, My she mac Yee oo, cur sarey da ny claghyn shoh dy ve jeant nyn arran.

Noo Mian 8:29

As cur‐my‐ner deïe ad, gra, Cre’n eïe t’ayd orrin, Yeesey Vac Yee? vel oo er jeet dy nyn dorchaghey rhoish y traa?

Noo Mark 1:24

Gra, Faag voïd shin, cre’n eïe t’ayd orrin, Yeesey dy Nazareth? vel oo er jeet dy nyn stroie? ta fys aym quoi oo hene, eer fer casherick Yee.

Noo Mark 14:61

Agh v’eh ny host, as cha dug eh ansoor erbee. Reesht dênee yn ard‐saggyrt jeh, as dooyrt eh rish, Nee uss yn Creest, Mac yn Er‐vannit?

Noo Mark 3:11

As ny spyrrydyn neu‐ghlen tra honnick ad eh, huitt ad sheese kiongoyrt rish, as dyllee ad, gra, She Mac Yee oo.

Noo Mark 5:6

Agh tra honnick eh Yeesey foddey jeh, roie eh, as hug eh ooashley da,

Noo Mark 5:8

(Son v’eh er ghra rish, Tar magh ass y dooinney, uss spyrryd neu‐ghlen)

Noo Luke 1:32

Bee eshyn cronnal as enmyssit Mac yn Er‐syrjey; as ver y Chiarn Jee dasyn stoyl‐reeoil e ayr David.

Noo Luke 4:34

Gra, Faag shin; cre’n eïe t’ayd orrin uss Yeesey dy Nazareth? vel oo er jeet dy nyn stroie? ta fys aym quoi oo hene; Fer‐casherick Yee.

Noo Luke 6:35

Agh cur‐jee graih da nyn noidyn, as jean‐jee mie, as eeasee‐jee, fegooish jerkal rish veg y gheddyn reesht: as s’mooar vees nyn leagh! as bee shiu cloan yn Er‐syrjey: son t’eh dooie da’n vooinjer neu‐wooisal as ny mee‐chrauee.

Noo Luke 8:28

Tra honnick eh Yeesey, dyllee eh, as huitt eh sheese kiongoyrt rish, as dooyrt eh lesh ard‐choraa, Cre’n eïe t’ayd orrym, Yeesey, Vac yn Jee smoo ard? Guee‐ym ort nagh jean oo my horchaghey.

Noo Ean 20:31

Agh t’ad shoh scruit, dy voddagh shiuish credjal dy nee Yeesey yn Creest Mac Yee, as liorish credjal shiu dy chosney bea trooid yn ennym echeysyn.

Jannoo 16:17

Deiyr ee shoh er Paul as orrinyn, gyllagh as gra, Ny deiney shoh sharvaantyn y Jee smoo ard, ta soilshaghey dooin raad y taualtys.

Jannoo 19:13

Eisht ren shiartanse jeh ny Hewnyn va goll mygeayrt castey drogh‐spyrrydyn, goaill orroo dy eamagh harrish y vooinjer va drogh‐spyrrydyn ayndoo, ennym y Chiarn Yeesey, gra, Ta shin cur shiu fo harey liorish Yeesey ta Paul dy phreacheil.

Jannoo 8:36

As myr v’ad goll er y raad, haink ad gys ushtey dy row: as dooyrt yn eunuch, Jeeagh, shoh ushtey; cre ta dy my lhiettal’s dy ve bashtit?

Romanee 16:20

As nee’n Jee dy hee dy gerrit Noid‐ny‐hanmey y vroo fo nyn gassyn. Grayse nyn Jiarn Yeesey Creest dy row mêriu. Amen.

Hebrewnee 2:14

Son wheesh eisht dy vel y chloan goaill ayrn jeh feill as fuill, ghow eshyn eh‐hene myrgeddin ayrn jeh lheid cheddin: dy voddagh eh liorish baase eshyn y stroie va pooar y vaaish echey, ta shen, yn jouyl;

Hebrewnee 7:1

Son y Melchisedec shoh ree Salem, saggyrt yn Jee smoo syrjey, hie quaïl Abraham myr v’eh er y raad veih stroie ny reeaghyn, as vannee eh:

Jamys 2:19

T’ou credjal dy vel un Jee ayn; t’ou jannoo dy mie: ta ny drogh‐spyrrydyn hene credjal, as er‐creau.

2 Peddyr 2:4

Son mannagh ren Jee sparail ny ainleyn ren peccah, agh hilg eh ad sheese gys niurin, as livrey eh ad gys geulaghyn dy ghorraghys, dy ve freilt cour briwnys;

1 Ean 3:8

Eshyn ta jannoo peccah, t’eh jeh’n drogh‐spyrryd; son ta’n drogh‐spyrryd kyndagh jeh peccah er‐dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh‐spyrryd.

Jude 1:6

As ny ainleyn nagh dreill yn chied stayd oc hene, agh daag nyn gummallyn cooie, t’eh er vreayll ayns geulaghyn dy bragh farraghtyn fo dorraghys cour briwnys yn laa mooar.

Ashlish 12:12

Gow‐jee boggey er‐y‐fa shen, shiuish niaughyn, as shiuish ta cummal ayndoo. Smerg da cummaltee yn thalloo as yn aarkey; son ta’n drogh‐spyrryd er jeet neose hiuish ayns farg eulyssagh, er‐yn‐oyr dy vel fys echeysyn nagh vel e hraa agh giare.