Noo Mark 5:23 - Yn Conaant Noa 1810

²³ As ghuee eh er dy jeean, gra, Ta my inneen veg ny lhie raad y vaaish, tar as cur dty laueyn urree, dy vod ee v’er ny lheihys, as bee ee bio.

Yn Vible Casherick 1775 1819

²³ As ghuee eh er dy jeean, gra, Ta my inneen veg ny lhie raad y vaaish, tar as cur dty laueyn urree, dy vod ee v’er ny lheihys, as bee ee bio.

Noo Mark 5:23 ပူးပေါင်းရင်းမြစ်များ

Noo Mian 8:3

As heeyn Yeesey magh e laue, as venn eh rish, gra, My aigney’s eh, bee er dty ghlenney. As chelleeragh va’n louraanys echey er ny ghlenney.

Noo Mark 16:18

Nee ad loaghtey ard‐nieughyn, as my iu‐ys ad nhee erbee pushoonagh, cha jean eh skielley daue: ver ad nyn laueyn er sleih chingey, as nee ad coural.

Noo Mark 5:24

As hie Yeesey mârish, as deiyr ymmodee dy leih, as ren ad chionney stiagh er.

Noo Mark 6:13

As deiyr ad magh ymmodee drogh‐spyrrydyn, as d’ooilee ad lesh ooil ymmodee sleih chingey, as ren ad ad y laanaghey.

Noo Mark 7:32

As hug ad lhieu huggey dooinney bouyr, balloo: as ghuee ad er eh dy chur e laue er.

Noo Mark 8:23

As ghow eh yn dooinney doal er laue, as leeid eh eh magh ass y valley; as tra ve’h er chur shelley er e hooillyn as er chur e laueyn er, dênee eh jeh row eh fakin nhee erbee.

Noo Luke 13:13

As hug eh e laueyn urree; as er‐y‐chooyl v’ee er ny yannoo jeeragh, as ren ee Jee y ghloyraghey.

Noo Luke 4:38

As hrog eh magh ass y synagogue, as hie eh stiagh ayns thie Simon: as va moir ben Simon feer ching ayns y chiassaghey; as ren ad aghin huggey er e son.

Noo Luke 4:40

Nish ec lhie ny greiney, whilleen as va sleih chingey oc fo mooarane doghanyn, hug ad lhieu ad huggey; as hug eh e laueyn er dy chooilley unnane oc, as ren eh ad y lheihys.

Noo Luke 7:12

Nish tra haink eh er‐gerrey da giat yn ard‐valley, cur‐my‐ner, va sleih cur lhieu magh dooinney marroo, va ny ynrycan vac da e voir, as v’eeish ny ben‐treoghe: as va ymmodee jeh sleih yn ard‐valley mâree.

Noo Ean 11:3

Shen‐y‐fa hug ny shayraghyn echey fys huggey, gra, Hiarn, cur‐my‐ner, t’eshyn shynney lhiat ching.

Jannoo 28:8

As haink eh gy‐kione dy row ayr Phublius ny lhie dy ching ayns y chiassaghey, as ’sy ghiarey‐folley: as hie Paul stiagh huggey, as ghow eh padjer, as hug eh e laueyn er, as laanee eh eh.

Jannoo 6:6

Ad shoh hoie ad kiongoyrt rish ny ostyllyn: as tra va’d er ghoaill padjer, hug ad nyn laueyn orroo.

Jannoo 8:17

Eisht hug ad nyn laueyn orroo, as hooar ad y Spyrryd Noo.

Jannoo 9:12

As t’eh er vakin ayns ashlish dooinney enmyssit Ananias cheet stiagh, as cur e laue er, dy vod eh e hoilshey y gheddyn.

Jannoo 9:17

As jimmee Ananias roish, as hie eh stiagh ayns y thie; as hug eh e laueyn er, as dooyrt eh, Vraar Saul, ta’n Chiarn (eer Yeesey honnick oo er y raad myr haink oo) er my choyrt’s, dy voddagh oo dty hoilshey y gheddyn, as ve lhieent lesh y Spyrryd Noo.