Noo Mark 5:15 - Yn Conaant Noa 1810

¹⁵ As haink ad gys Yeesey, as honnick ad eshyn va’n drogh‐spyrryd as y legion er ny ve ayn, ny hoie, as e eaddagh er, as dy mie ayns e cheeayl, as ghow ad aggle.

Yn Vible Casherick 1775 1819

¹⁵ As haink ad gys Yeesey, as honnick ad eshyn va’n drogh-spyrryd as y legion er ny ve ayn, ny hoie, as e eaddagh er, as dy mie ayns e cheeayl, as ghow ad aggle.

Noo Mark 5:15 ပူးပေါင်းရင်းမြစ်များ

Noo Mian 12:29

Er‐nonney, kys oddys fer goll stiagh ayns thie yn treanagh, as e chooid y ghoaill er‐niart, mannagh geulee eh hoshiaght yn treanagh, as eisht nee eh e hie y roostey?

Noo Mian 26:53

Vel uss smooinaghtyn nagh voddym’s nish guee gys my Ayr, as yinnagh eh chelleeragh hym erskyn daa legion jeig dy ainleyn?

Noo Mian 4:24

As hie goo jeh magh trooid ooilley Syria: as hug ad lhieu huggey ooilley ny aslayntee, fo doghanyn as pianyn, adsyn va seaghnit lesh drogh‐spyrrydyn, sleih ass nyn geeayl, as an‐lheiltee, as ren eh ad y lheihys.

Noo Mian 9:33

As tra va’n drogh‐spyrryd er ny chastey, ren y balloo loayrt: as ghow yn pobble yindys, gra, Cha row rieau lheid shoh er ny akin ayns Israel.

Noo Mark 5:14

As roie bochillyn ny mucyn roue, as dinsh ad eh ayns yn ard‐valley, as er y cheer. As hie ad magh dy akin cre va jeant.

Noo Mark 5:16

As dinsh y vooinjer honnick eh daue, kys ve er daghyrt dasyn va’n drogh‐spyrryd er ve ayn, as myrgeddin mychione ny mucyn.

Noo Mark 5:18

As tra v’eh er jeet gys y lhong, ren eshyn va’n drogh‐spyrryd er ve ayn guee er, kied y chur da goll mârish.

Noo Mark 5:4

Er‐y‐fa dy row eh dy mennick er ny ve kianlt lesh yiarnyn as geulaghyn, as va ny geulaghyn er ny ve tayrnit veih‐my‐cheilley liorish, as ny yiarnyn brisht ayns peeshyn: as cha dod dooinney erbee eh y veeinaghey.

Noo Mark 5:9

As dênee eh jeh, Cre’n ennym t’ort? As dreggyr eh, gra, Ta m’ennym Legion: son ta shin ymmodee.

Noo Luke 10:39

As va shuyr eck enmyssit Moirrey, hoie myrgeddin ec cassyn Yeesey, clashtyn e ghoo.

Noo Luke 8:27

Agh tra v’eh er n’gholl er thalloo, haink ny whail ass yn ard‐valley, dooinney dy row va ry‐foddey seaghnit lesh drogh‐spyrrydyn, as cha roo eh ceau eaddagh, chamoo duirree eh ayns thie erbee, agh mastey ny hoaiaghyn.

Colossianee 1:13

Ta er livrey shin veih pooar y dorraghys, as er hoiaghey shin ayns reeriaght e Vac graihagh hene:

2 Timothy 1:7

Son cha vel Jee er choyrt dooin yn spyrryd dy aggle; agh dy phooar, as dy ghraih, as dy chreenaght.