Noo Mark 4:8 - Yn Conaant Noa 1810

⁸ Agh huitt cooid elley jeh ayns thalloo mie, as hugh eh magh mess ren gaase seose as bishaghey, as dymmyrk eh, paart jeih fillaghyn as feed, as paart three‐feed, as paart keead filley.

Yn Vible Casherick 1775 1819

⁸ Agh huitt cooid elley jeh ayns thalloo mie, as hug eh magh mess ren gaase seose as bishaghey, as dymmyrk eh, paart jeih fillaghyn as feed, as paart three-feed, as paart keead-filley.

Noo Mark 4:8 ပူးပေါင်းရင်းမြစ်များ

Noo Mian 13:23

Agh eshyn ghow yn rass ayns thalloo mie, shen eh ta clashtyn y goo as dy hoiggal eh, as t’eh tilgey mess, as gymmyrkey, paart keead‐filley, paart three‐feed, as paart jeih fillaghyn as feed.

Noo Mian 13:8

Agh huitt cooid elley jeh ayns thalloo mie, as dymmyrk eh mess, paart keead‐filley, paart three‐feed‐filley, as paart jeih fillaghyn as feed.

Noo Mark 4:20

As ad shoh yn vooinjer ta cuirt ayns thalloo mie, lheid as ta clashtyn y goo, as ta dy ghoaill eh, as gymmyrkey magh mess, paart jeih fillaghyn as feed, paart three‐feed, as paart keead‐filley.

Noo Mark 4:7

As huitt paart mastey drineyn, as daase ny drineyn seose mârish, as phloogh ad eh, as cha dymmyrk eh mess.

Noo Mark 4:9

As dooyrt eh roo, Eshyn ta cleayshyn echey dy chlashtyn, lhig da clashtyn.

Noo Luke 8:15

Agh shen er y thalloo mie, yn vooinjer, ta lesh creeaghyn onneragh as mie, er chlashtyn yn goo, as ta dy reayll oc eh, as cur magh mess lesh meenid.

Noo Luke 8:8

As huitt cooid elley jeh ayns thalloo mie, as daase eh seose, as dymmyrk eh mess keead‐filley. As tra v’eh er ghra shoh, deïe eh, Eshyn ta cleayshyn echey dy chlashtyn, lhig da clashtyn.

Noo Ean 15:5

Mish y billey‐feeyney, shiuish ny banglaneyn: eshyn ta tannaghtyn aynym’s, as mish aynsyn, t’eh shoh cur magh mooarane mess: son scarrit voym’s cha vod shiu jannoo monney dy vie.

Noo Ean 7:17

My vees dooinney erbee aggindagh yn aigney echeysyn y yannoo, yiow eh toiggal jeh’n ynsagh, nee veih Jee te, ny vel mee loayrt jee’m pene.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

Ephesianee 2:21

Ersyn ta’n slane troggal, dy stoamey er ny choyrt cooidjagh, gaase dy ve ny hiamble casherick son y Chiarn;

Philippianee 1:11

Lhieent lesh ny messyn dy chairys, ta liorish Yeesey Chreest, gys gloyr as moylley Yee.

Colossianee 1:6

Ta er roshtyn hiuish, myr te gys ooilley yn seihll, as gymmyrkey mess, myr te myrgeddin, ayndiuish, er‐dyn laa cheayll shiu jeh, as hoig shiu grayse Yee ayns firrinys.