Noo Mark 4:24 - Yn Conaant Noa 1810

²⁴ As dooyrt eh roo, Cur‐jee tastey da ny ta shiu dy chlashtyn: lesh y towse ta shiu towse, bee eh er ny howse diu: as diuish ta clashtyn, bee ny smoo er ny choyrt.

Yn Vible Casherick 1775 1819

²⁴ As dooyrt eh roo, Cur-jee tastey da ny ta shiu dy chlashtyn: lesh y towse ta shiu towse, bee eh er ny howse diu: as diuish ta clashtyn, bee ny smoo er ny choyrt.

Noo Mark 4:24 ပူးပေါင်းရင်းမြစ်များ

Noo Mian 7:2

Son lesh y vriwnys cheddin ta shuish briwnys, bee shiu hene er nyn mriwnys: as lesh y towse ta shiuish towse, bee eh er ny howse diu reesht.

Noo Mark 9:7

As ren bodjal scadoo y hilgey harrystoo: as haink coraa ass y vodjal, gra, Shoh my vac ennoil; eaisht‐jee rish.

Noo Luke 8:18

Cur‐jee twoaie er‐y‐fa shen kys ta shiu clashtyn: son quoi‐erbee ta echey, dasyn vees er ny choyrt; as quoi‐erbee nagh vel echey, veihsyn vees er ny ghoaill eer shen hene er‐lesh dy vel echey.

Noo Ean 10:16

As kirree elley t’aym, nagh vel jeh’n woaillee shoh: ad shen neesht shegin dou y chur lhiam, as cluinnee ad my choraa; as bee un woaillee ayn, as un vochilley.

Noo Ean 10:27

Ta my chirree clashtyn my choraa, as ta enney aym orroo, as eiyree ad orrym.

Noo Ean 5:25

Dy firrinagh firrinagh ta mee gra riu, Ta’n oor cheet, as nish ayn, tra nee ny merriu clashtyn coraa Mac Yee: as bee adsyn chlinnys er nyn mioghey.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

2 Corinthianee 9:6

As shoh ta mee dy ghra, Eshyn ta cuirr thanney, nee myrgeddin buinn thanney: as eshyn ta cuirr dy palchey, nee myrgeddin buinn dy palchey.

Hebrewnee 2:1

Shen‐y‐fa lhisagh shin tastey s’geyrey ’choyrt da ny reddyn ta shin er chlashtyn, er‐aggle ec traa erbee dy jinnagh shin ad y yarrood.

1 Peddyr 2:2

Myr oikanyn noa‐ruggit yeearree‐jee bainney spyrrydoil y ghoo, dy vod shiu gaase liorish:

1 Ean 4:1

Chaarjyn, ny cred‐jee dy chooilley spyrryd, agh prow‐jee ny spyrrydyn vel ad veih Jee: er‐yn‐oyr dy vel ymmodee phadeyryn foalsey er n’gholl magh ’sy theihll.