Noo Mark 4:17 - Yn Conaant Noa 1810

¹⁷ Agh cha vel fraue oc ayndoo hene, as myr shen cha vel ad cummal rish agh son earish: ny lurg shen tra ta seaghyn ny tranlaase cheet orroo er coontey yn ghoo, cheelleragh ta nyn gredjue failleil.

Yn Vible Casherick 1775 1819

¹⁷ Agh cha vel fraue oc ayndoo hene, as myr shen cha vel ad cummal rish agh son earish: ny lurg shen tra ta seaghyn ny tranlaase cheet orroo er coontey yn ghoo, chelleeragh ta nyn gredjue failleil.

Noo Mark 4:17 ပူးပေါင်းရင်းမြစ်များ

Noo Mian 11:6

As bannit ta eshyn nagh jean beg y hoiaghey jeem’s.

Noo Mian 12:31

Shen‐y‐fa ta mee gra riu, Bee dy chooilley pheccah as raa mollaghtagh er ny leih da deiney: agh goan mollaghtagh noi yn Spyrryd Noo cha bee er nyn leih da deiney.

Noo Mian 13:21

Foast cha vel fraue echey ayn hene, agh t’eh cummal rish son tammylt: agh tra ta seaghyn as tranlaase cheet er, er coontey yn ghoo chelleeragh ta e chredjue failleil.

Noo Mark 4:16

As ad shoh neesht yn vooinjer ta cuirt ayns thalloo claghagh, ta, erreish daue v’er chlashtyn y goo, chelleeragh dy ghoaill eh dy aggindagh:

Noo Mark 4:18

As ad shoh yn vooinjer ta cuirt mastey drineyn: lheid as ta clashtyn y goo,

Noo Luke 12:10

As quoi‐erbee loayrys fockle noi Mac y dooinney, bee eh er ny leih da: agh dasyn ta loayrt goan‐mollaghtagh noi yn Spyrryd Noo, cha bee eh er ny leih.

Noo Ean 8:31

Eisht dooyrt Yeesey rish ny Hewnyn shen va credjal ayn, My nee shiu tannaghtyn ayns my ghoo, eisht bee shiu dy jarroo ny ynseydee aym’s;

Galatianee 6:12

Whilleen as ta shirrey dy hoilshaghey ad hene er cheumooie liorish cowrey ny foalley, t’ad gêginaghey shiu dy ve er ny ghiarey‐chymmylt; ny lomarcan son nagh jinnagh ad surranse tranlaase er coontey crosh Chreest.

2 Timothy 1:15

Shoh ta fys ayd, dy vel adsyn ooilley t’ayns Asia er choyrt cooyl rhym; jeu shoh ta Phygellus as Hermogenes.

2 Timothy 4:10

Son ta Demas er my hreigeil, er graih cosney seihlltagh, as er n’gholl ersooyl gys Thessalonica; Crescens gys Galatia; Titus gys Dalmatia.

2 Timothy 4:16

Ec y chied chlashtyn er my hrial cha hass dooinney erbee lhiam, agh ren dy chooilley ghooinney m’y hreigeil: guee‐ym er Jee nagh bee eh er ny choyrt gys y lieh oc.

Hebrewnee 10:29

Cre’n kerraghey foddey s’trimmey, ta shiuish smooinaghtyn, t’eshyn dy hoilchin, t’er stampey fo chosh Mac Yee, as ta er choontey fuill yn chonaant liorish v’eh er ny chasherickey, ny red neu chasherick, as er hassoo magh dy olkyssagh noi’n Spyrryd dy ghrayse?

1 Ean 2:19

Hie ad magh voïn, agh cha row ad j’in: son dy beagh ad j’inyn, v’ad dyn dooyt er hannaghtyn mârin: agh hreig ad shin, dy voddagh enney v’er ny choyrt orroo, nagh row ad ooilley j’inyn.

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.

Ashlish 2:13

Shione dou dty obbraghyn, as dty chummal, dy jarroo raad ta stoyl‐reill Noid‐ny‐hanmey; as t’ou lhiantyn shickyr gys m’ennym, as cha vel oo er n’obbal my chredjue, eer ayns ny laghyn shen ayndoo va Antipas my eanish firrinagh, v’er ny choyrt dy baase nyn mast’ eu, raad ta’n Drogh‐spyrryd cummal.