Noo Mark 4:15 - Yn Conaant Noa 1810

¹⁵ As ad shoh adsyn ta rish ooir y raad, ayn ta’n goo er ny chuirr, agh tra t’ad er chlashtyn, ta’n drogh‐spyrryd cheet jeeragh, as goaill ersooyl yn goo va cuirt ayns nyn greeaghyn.

Yn Vible Casherick 1775 1819

¹⁵ As ad shoh adsyn ta rish oirr y raad, ayn ta’n goo er ny chuirr, agh tra t’ad er chlashtyn, ta’n drogh-spyrryd cheet jeeragh, as goaill ersooyl yn goo va cuirt ayns nyn greeaghyn.

Noo Mark 4:15 ပူးပေါင်းရင်းမြစ်များ

Noo Mian 13:19

Quoi‐erbee ta clashtyn goo yn reeriaght, as nagh vel dy hoiggal eh, ta’n drogh‐er cheet, as tayrtyn lesh shen ny va cuirt ayns e chree: shoh eh ghow yn rass rish oirr y raad.

Noo Mian 22:5

Agh hoie adsyn beg jeh, as hie ad rhymboo, fer gys e state‐hallooin, as fer elley gys e varchantys:

Noo Mian 4:10

Eisht dooyrt Yeesey rish, Ass my enish oo, Noid‐ny‐hanmey: son te scruit, Ver oo ooashley da’n Chiarn dty Yee, as eshyn ynrycan nee oo shirveish.

Noo Mark 4:14

Ta’n correyder cuirr yn goo.

Noo Mark 4:16

As ad shoh neesht yn vooinjer ta cuirt ayns thalloo claghagh, ta, erreish daue v’er chlashtyn y goo, chelleeragh dy ghoaill eh dy aggindagh:

Noo Mark 4:4

As haink eh gy‐kione myr v’eh cuirr, dy huitt paart jeh’n rass rish oirr y raad, as haink ceanlee yn aer, as d’ee ad seose eh.

Noo Luke 8:12

Shen rish oirr y raad, yn vooinjer ta clashtyn: eisht ta’n drogh‐spyrryd cheet, as goaill ersooyl yn goo ass ny creeaghyn oc, er‐aggle dy jinnagh ad credjal, as dy beagh ad er nyn sauail.

Jannoo 17:32

As tra cheayll ad jeh irree‐seose‐reesht ny merriu ren paart gannidys: as dooyrt cooid elley jeu, Ver mayd clashtyn dhyt keayrt ennagh elley mychione y chooish shoh.

Jannoo 5:3

Agh dooyrt Peddyr; Ananias, cre’n‐fa ta Satan er lhieeney dty chree dy yannoo breg gys y Spyrryd Noo, liorish keiltyn ayrn jeh price y thallooin?

2 Corinthianee 2:11

Er‐aggle dy voghe yn Noid‐anmey vondeish orrin: son cha vel e chialgyn gyn‐yss dooin.

2 Thessalonianee 2:9

Dy jarroo eshyn ta’n cheet echey cordail rish gobbraghey Satan, lesh dy chooilley phooar, as cowraghyn, as yindyssyn breagagh,

Hebrewnee 12:16

Er‐aggle dy bee maarderagh erbee, ny persoon erbee mee‐chrauee, myr Esau, ren son un longey dy vee e eiraght y chreck.

Hebrewnee 2:1

Shen‐y‐fa lhisagh shin tastey s’geyrey ’choyrt da ny reddyn ta shin er chlashtyn, er‐aggle ec traa erbee dy jinnagh shin ad y yarrood.

1 Peddyr 5:8

Bee‐jee sheelt, bee‐jee er nyn arrey; er‐yn‐oyr dy vel y noid eu yn drogh‐spyrryd myr lion buirroogh, shooyl mygeayrt, shirrey quoi oddys eh y stroie:

Ashlish 12:9

As va’n dragon mooar er ny eiyrt magh, yn chenn ard‐nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.

Ashlish 20:10

As va’n jouyl ren ad y volley, er ny hilgey ayns y logh dy aile as brimstone, raad ta’n veisht as y phadeyr foalsey, as bee ad er nyn dorchaghey oie as laa son dy bragh as dy bragh.

Ashlish 20:7

As tra ta ny thousane bleïn ec kione, bee Satan er ny eaysley ass e phryssoon,