Noo Mark 4:11 - Yn Conaant Noa 1810

¹¹ As dooyrt eh roo, Diuish te er ny choyrt dy hoiggal folliaght reeriaght Yee: agh dauesyn ta mooie, ta dy chooilley nhee jeant ayns coraaghyn‐dorraghey.

Yn Vible Casherick 1775 1819

¹¹ As dooyrt eh roo, Diuish te er ny choyrt dy hoiggal folliaght reeriaght Yee: agh dauesyn ta mooie, ta dy chooilley nhee jeant ayns coraaghyn-dorraghey:

Noo Mark 4:11 ပူးပေါင်းရင်းမြစ်များ

Noo Mian 11:25

Ec y traa shen dreggyr Yeesey as dooyrt eh, Ta mee cur booise dhyt, O Ayr, Hiarn niau as thalloo, er‐yn oyr dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn.

Noo Mian 13:16

Agh bannit ta ny sooillyn euish, son t’ad fakin, as ny cleayshyn eu, son t’ad clashtyn.

Noo Mian 16:17

Dansoor Yeesey, as dooyrt eh rish, Bannit t’ou uss Simon mac Jona: son cha nee feill as fuill t’er hoilshaghey shoh dhyt’s agh my Ayr t’ayns niau.

Noo Mark 3:23

As deïe eh orroo huggey, as dooyrt eh roo ayns coraaghyn‐dorraghey, Kys oddys Satan Satan y chastey?

Noo Mark 4:10

As tra v’eh ny lomarcan, dênee yn vooinjer va mygeayrt‐y‐mysh marish y daa ostyl yeig jeh mychione y coraa‐dorraghey.

Noo Mark 4:2

As dynsee eh daue ymmodee nheeghyn ayns coraaghyn‐dorraghey, as dooyrt eh roo ayns e ynsagh,

Noo Luke 8:10

As dooyrt eh, Diuish te er ny choyrt dy hoiggal folliaghtyn reeriaght Yee; agh da feallagh elley ayns coraaghyn‐dorraghey: ga t’ad fakin cha vel ad cur‐my‐ner, as clashtyn cha vel ad toiggal.

1 Corinthianee 4:7

Son quoi eh ta coyrt dhyt’s yn vondeish erskyn fer elley? as cre t’ayd nagh vel oo er gheddyn? nish my hooar oo eh, cre’n‐fa t’ou boggyssagh, myr nagh beagh oo er gheddyn eh?

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

Ephesianee 1:9

As er hoilshaghey dooin folliaght e aigney hene, cordail rish e haitnys mie, ren eh ’chiarail ayn hene:

Colossianee 4:5

Jean‐jee gymmyrkey shiu hene dy tastagh ny vud ocsyn ta mooie, jannoo yn chooid smoo jeh’n traa.

1 Thessalonianee 4:12

Dy jean shiu gymmyrkey shiu‐hene dy onneragh hucsyn ta cheu‐mooie, as nagh bee shiu feme nhee erbee.

1 Timothy 3:7

Shegin da myrgeddin goo mie ve echey vouesyn ta mooie; er‐aggle dy duitt eh fo scammylt, as ribbey yn drogh‐spyrryd.

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.