Noo Mark 3:5 - Yn Conaant Noa 1810

⁵ As tra v’eh er yeeaghyn mygeayrt orroo lesh corree, ve’h seaghnit son creoghys nyn greeaghyn, as dooyrt eh rish y dooinney, Sheeyn magh dty laue: as heeyn eh magh ee; as va e laue er ny laanaghey myr y laue elley.

Yn Vible Casherick 1775 1819

⁵ As tra v’eh er yeeaghyn mygeayrt orroo lesh corree, v’eh seaghnit son creoghys nyn greeaghyn, as dooyrt eh rish y dooinney, Sheeyn magh dty laue: as heeyn eh magh ee; as va e laue er ny laanaghey myr y laue elley.

Noo Mark 3:5 ပူးပေါင်းရင်းမြစ်များ

Noo Mian 12:13

Eisht dooyrt eh rish y dooinney, Sheeyn magh dty laue: as heeyn eh magh ee; as va’n laue echey er ny lheihys myr y laue elley.

Noo Mark 3:4

As dooyrt eh roo, Vel eh lowal dy yannoo mie er laghyn y doonaght, ny dy yannoo olk? dy hauail bioys, ny dy stroie eh? Agh v’adsyn nyn dhost.

Noo Luke 13:15

Eisht dreggyr y Chiarn eh, gra, Er‐crauee‐oalsey, nagh vel dagh fer jiuish er y doonaght feaysley e ghow ny e assyl veih’n staik, as dy chur lesh magh dy ushtaghey eh?

Noo Luke 17:14

As tra v’eh er yeeaghyn orroo, dooyrt eh roo, Immee‐jee as jeeagh‐jee shiu hene da ny saggyrtyn. As haink eh gy‐kione, myr v’ad goll, dy row ad er nyn ghlenney.

Noo Luke 6:10

As yeeagh eh mygeayrt orroo ooilley, as dooyrt eh rish y dooinney, Sheeyn magh dty laue, As ren eh shen; as va’n laue echey er ny lheihys myr y laue elley.

Noo Ean 9:7

As dooyrt eh rish, Immee as oonlee oo hene ayns poyll Siloam (ta shen ’sy ghlare ainyn, Er ny choyrt) Hie eh roish er‐y‐fa shen, as doonlee eh eh hene, as haink eh as e hoilshey echey.

Romanee 11:25

Son cha baillym, vraaraghyn, dy beagh shiu mee‐hushtagh jeh’n folliaght shoh, (er‐aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

2 Corinthianee 3:14

Agh va nyn aignaghyn dollit: son gys y laa t’ayn jiu ta’n coodagh cheddin er‐mayrn orroo, ayns lhaih yn chenn chonaant; yn coodagh cheddin ta goit jeh ayns Creest.

Ephesianee 4:18

Yn tushtey oc fo dorraghys, nyn yoarreeyn gys bea Yee, kyndagh rish y vee‐hushtey t’ayndoo, trooid creoghys nyn greeaghyn:

Ephesianee 4:26

My hig corree erriu, ny jean‐jee peccah. Ny lhig da’n ghrian lhie er y chorree eu:

Ephesianee 4:30

As ny cur‐jee corree er Spyrryd casherick Yee, liorish ta shiu cowrit gys laa yn livrey‐ys eu.

Hebrewnee 3:10

Shen‐y‐fa va mee corree rish y cheeloghe shoh, as dooyrt mee, T’ad dy kinjagh goll er‐shaghryn ayns nyn gree; as cha vel enney er ve oc er my raaidyn.

Hebrewnee 3:17

Agh quoi liorish v’eh er ny vrasnaghey da‐eed blein? nagh nee lioroosyn v’er n’yannoo peccah, ny callinyn oc huitt ’syn aasagh?

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

Ashlish 6:16

As dooyrt ad rish ny sleityn as ny creggyn, Tuitt‐jee orrin, as follee shin veih’n eddin echeysyn ta ny hoie er y stoyl‐reeoil, as veih corree yn Eayn: