Noo Mark 3:3 - Yn Conaant Noa 1810

³ As dooyrt eh rish y dooinney lesh y laue shyrgit, Shass magh.

Yn Vible Casherick 1775 1819

³ As dooyrt eh rish y dooinney lesh y laue shyrgit, Shass magh.

Noo Mark 3:3 ပူးပေါင်းရင်းမြစ်များ

Noo Mian 12:10

As cur‐my‐ner, va dooinney ayns shen va’n laue echey er shyrgaghey: as, dy voddagh oyr plaiynt y ve oc noi Yeesey, dênee ad jeh, gra, Vel eh lowal dy lheihys er laghyn y doonaght?

Noo Mark 3:2

As va sooil oc er, dy yeeaghyn jinnagh eh eh y lheihys er laa yn doonaght, dy voddagh oyr y ve oc dy phlaiynt noi.

Noo Mark 3:4

As dooyrt eh roo, Vel eh lowal dy yannoo mie er laghyn y doonaght, ny dy yannoo olk? dy hauail bioys, ny dy stroie eh? Agh v’adsyn nyn dhost.

Noo Luke 6:8

Agh va fys echesyn er ny smooinaghtyn oc, as dooyrt eh rish y dooinney lesh y laue shyrgit, Irree seose as shass magh er y laare. As dirree eh, as hass eh magh.

Noo Ean 9:4

Shegin dooys gobbraghey ny obbraghyn echeysyn t’er my choyrt, choud as ta’n laa ayn: ta’n oie cheet tra nagh vod dooinney erbee gobbraghey.

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

Galatianee 6:9

As ny lhig dooin gaase skee ayns jannoo mie, son ayns imbagh cooie nee mayd buinn, mannagh bee mayd lhiastey.

Philippianee 1:14

As ta ymmodee jeh ny braaraghyn ayns y Chiarn, er n’aase dunnal liorish my gheulaghyn’s, foddey s’creeoil dy loayrt yn goo fegooish aggle.

1 Peddyr 4:1

Ayns wheesh eisht as dy vel Creest er hurranse er nyn son ayns yn eill, bee‐jee shiuish myrgeddin eillit lesh yn aigney cheddin: son eshyn t’er hurranse ayns yn eill, t’eh er scuirr veih peccah;