Noo Mark 3:11 - Yn Conaant Noa 1810

¹¹ As ny spyrrydyn neu‐ghlen tra honnick ad eh, huitt ad sheese kiongoyrt rish, as dyllee ad, gra, She Mac Yee oo.

Yn Vible Casherick 1775 1819

¹¹ As ny spyrrydyn neu-ghlen tra honnick ad eh, huitt ad sheese kiongoyrt rish, as dyllee ad, gra, She Mac Yee oo.

Noo Mark 3:11 ပူးပေါင်းရင်းမြစ်များ

Noo Mian 14:33

Eisht haink yn cheshaght‐lhuingey, as hug ad ooashley da, gra, Ayns firrinys oo Mac Yee.

Noo Mian 4:3

As haink y mioleyder huggey, gra, My she mac Yee oo, cur sarey da ny claghyn shoh dy ve jeant nyn arran.

Noo Mian 4:6

As dooyrt eh rish, My she Mac Yee oo, tilg oo hene sheese: son te scruit, Ver eh currym da e ainleyn my‐dty‐chione, as ayns nyn laueyn nee ad oo y ymmyrkey, nagh bwoaill oo ec traa erbee dty chass noi clagh.

Noo Mian 8:29

As cur‐my‐ner deïe ad, gra, Cre’n eïe t’ayd orrin, Yeesey Vac Yee? vel oo er jeet dy nyn dorchaghey rhoish y traa?

Noo Mian 8:31

As ghuee ny drogh‐spyrrydyn er, gra, My eiyrys oo magh shin, lhig dooin goll stiagh ayns ny muckyn.

Noo Mark 1:1

Toshiaght sushtal Yeesey Creest, Mac Yee;

Noo Luke 4:41

As haink drogh‐spyrrydyn myrgeddin magh ass ymmodee, gyllagh as gra, Oo yn Creest Mac Yee. As hug eh oghsan daue, as cha lhig eh daue loayrt; son va fys oc dy nee eh va’n Creest.

Noo Luke 8:28

Tra honnick eh Yeesey, dyllee eh, as huitt eh sheese kiongoyrt rish, as dooyrt eh lesh ard‐choraa, Cre’n eïe t’ayd orrym, Yeesey, Vac yn Jee smoo ard? Guee‐ym ort nagh jean oo my horchaghey.

Jannoo 16:17

Deiyr ee shoh er Paul as orrinyn, gyllagh as gra, Ny deiney shoh sharvaantyn y Jee smoo ard, ta soilshaghey dooin raad y taualtys.

1 Corinthianee 11:34

As my ta dooinney erbee accryssagh, lhig eh gee ec y thie; nagh jig shiu cooidjagh gys deyrey. Er son reddyn elley nee’m ad y oardrail tra hig‐ym.

Jamys 2:19

T’ou credjal dy vel un Jee ayn; t’ou jannoo dy mie: ta ny drogh‐spyrrydyn hene credjal, as er‐creau.