Noo Mark 2:2 - Yn Conaant Noa 1810

² As chelleeragh va ymmodee er nyn jaglym cooidjagh, ayns wheesh as nagh row room dy ghoaill ad, wheesh as mygeayrt y dorrys: as ren eh yn goo y phreacheil daue.

Yn Vible Casherick 1775 1819

² As chelleeragh va ymmodee er nyn jaglym cooidjagh, ayns wheesh as nagh row room dy ghoaill ad, wheesh as mygeayrt y dorrys: as ren eh yn goo y phreacheil daue.

Noo Mark 2:2 ပူးပေါင်းရင်းမြစ်များ

Noo Mian 5:2

As hrog eh seose e choraa as dynsee eh ad, gra,

Noo Mark 1:14

Nish erreish da Ean ve currit ayns pryssoon, haink Yeesey gys Galilee, preacheil sushtal reeriaght Yee.

Noo Mark 1:33

As va ooilley yn ard‐valley er nyn jaglym cooidjagh ec y dorrys.

Noo Mark 1:37

As tra v’ad er gheddyn eh, dooyrt ad rish, Ta dy chooilley ghooinney briaght dty yeï.

Noo Mark 1:45

Agh hie eh roish, as ren eh toshiaght dy hoilshaghey magh as dy skeayley mygeayrt yn chooish, ayns wheesh as nagh dod Yeesey goll ny smoo dy foshlit gys yn ard‐valley, agh v’eh mooie ayns ynnydyn faasagh: as haink ad huggey veih dy chooilley ard.

Noo Mark 2:1

As laghyn ny lurg shen, hie eh reesht gys Capernaum, as ve er ny insh magh dy row eh ayns y thie.

Noo Mark 2:13

As hie eh magh reesht rish oirr ny marrey, as haink ooilley yn pobble huggey, as dynsee eh ad.

Noo Mark 6:34

As tra va Yeesey er jeet er thalloo honnick eh earroo mooar dy leih, as v’eh er ny veiyghey lesh chymmey orroo, er‐yn‐oyr dy row ad myr kirree fegooish bochilley: as ren eh toshiaght dy ynsaghey ad ayns ymmodee reddyn.

Noo Luke 12:1

Nish mysh y traa shen va ymmodee erskyn‐earroo dy leih er nyn jaglym cooidjagh, ayns wheesh as dy row ad stampey yn derrey yeh er yn jeh elley, ghow eh toshiaght dy ghra rish e ostyllyn, Erskyn ooilley bee‐jee twoaiagh jeh soorid ny Phariseeyn, ta shen dy ghra, craueeaght‐oalsey.

Noo Luke 5:17

As haink eh gy‐kione laa dy row, myr v’eh gynsaghey, dy row Phariseeyn as fir‐ynsee yn leigh nyn soie liorish, v’er jeet magh ass ooilley baljyn Ghalilee, as Judea as Jerusalem: as va pooar y Chiarn feer vreeoil mârish ayns lheihys doghanyn.

Noo Luke 8:1

As haink eh gy‐kione ny lurg shen, dy jagh eh trooid dy chooilley valley, mooar as beg, preacheil as soilshaghey sushtal gerjoilagh reeriaght Yee: as va’n daa ostyl yeig mârish:

Noo Luke 8:11

Nish shoh bun y choraa‐dorraghey: Yn rass goo Yee.

Jannoo 11:19

Nish va’n vooinjer v’er nyn skeayley magh, kyndagh rish y tranlaase va jeant er coontey Steaon er droailt choud as Phenice, as Cyprus, as Antioch, as cha ren ad yn goo y phreacheil da unnane erbee agh ynrycan da ny Hewnyn.

Jannoo 14:25

As erreish daue v’er phreacheil y goo ayns Perga, hie ad sheese gys Attalia.

Jannoo 16:6

Nish tra v’ad er gholl trooid Phrygia, as cheer Ghalatia, v’ad er nyn lhiettal liorish y Spyrryd Noo dy phreacheil y goo ayns Asia,

Jannoo 8:25

As tra v’ad er n’ymmyrkey feanish as er phreacheil goo yn Chiarn, hie ad reesht gys Jerusalem, as ren ad y sushtal y phreacheil ayns ymmodee jeh baljyn ny Samaritanee.

Romanee 10:8

Agh cre te gra? Ta’n goo er‐gerrey dhyt, dy jarroo ayns dty veeal, as ayns dty chree; ta shen goo yn chredjue ta shin dy phreacheil;

2 Timothy 4:2

Jean y goo y phreacheil, coyrlee dy jeean ec dy chooilley hraa as caa; cur oghsan, smaghtee, jean coyrlaghey lesh dy chooilley veenid as ynsagh.