Noo Mark 2:16 - Yn Conaant Noa 1810

¹⁶ As tra honnick ny scrudeyryn as ny Phariseeyn eh gee marish publicanee as peccee dooyrt ad rish e ynseydee, Kys dy vel eh gee as giu marish publicanee as peccee?

Yn Vible Casherick 1775 1819

¹⁶ As tra honnick ny scrudeyryn as ny Phariseeyn eh gee marish publicanee as peccee, dooyrt ad rish e ynseydee, Kys dy vel eh gee as giu marish publicanee as peccee?

Noo Mark 2:16 ပူးပေါင်းရင်းမြစ်များ

Noo Mian 18:17

As mannagh der eh geill dauesyn, insh eh da’n agglish: agh mannagh der eh geill da’n agglish, jeeagh er myr an‐chreestee as myr publican.

Noo Mian 5:46

Son my ta shiu graihagh orroosyn ta graihagh erriuish, cre’n leagh ta nyn gour? nagh vel eer ny publicanee jannoo yn lheid cheddin?

Noo Mian 9:11

Tra honnick ny Phariseeyn shoh, dooyrt ad rish e ynseydee, Cre’n‐fa, ta’n mainshter eu gee marish publicanee as peccee?

Noo Mark 2:15

As haink eh gy‐kione, my va Yeesey ny hoie ec bee ayns y thie echey, dy ren myrgeddin ymmodee publicanee as peccee soie sheese marish Yeesey as e heshaght: son va ymmodee er n’eiyrt er.

Noo Mark 2:7

Cre’n‐fa ta’n dooinney shoh loayrt goan mollaghtagh? quoi oddys peccaghyn y leih, agh Jee ny lomarcan?

Noo Luke 18:11

Hass y Pharisee as ghow eh padjer myr shoh rish hene, Yee, ta mee cur booise dhyt, nagh vel mish myr deiney elley, tranlaasee, neu‐chairagh, brishey‐poosey, ny foast myr y publican shoh.

Noo Luke 19:10

Son ta Mac y dooinney er jeet dy hirrey as dy hauail shen ny va caillit.

Noo Luke 19:7

As tra honnick ad shoh, v’ad ooilley jymmoosagh, gra, Dy row eh er gholl stiagh dy ee as dy iu marish dooinney dy ghrogh vea.

Noo Luke 5:30

Agh va ny scrudeyryn oc as ny Phariseeyn jymmoosagh rish e ynseydee, gra, Cre’n‐fa ta shiu gee as giu marish publicanee as peccee?

Jannoo 23:9

As va argane mooar er ny ghoostey: as dirree ny scrudeyryn va er paart ny Phariseeyn, as streeu ad, gra, Cha vel shinyn geddyn foill erbee ayns y dooinney shoh: agh my ta spyrryd ny ainle er loayrt rish, ny lhig dooin caggey noi Jee.

1 Corinthianee 2:15

Agh eshyn ta spyrrydoil, t’eh briwnys dy chooilley nhee, ny yeih cha vel eh hene er ny vriwnys liorish dooinney erbee.

Hebrewnee 12:3

Son smooinee‐jee ersyn ren gymmyrkey lheid ny oltooanyn veih peccee n’oï hene, er aggle dy jean shiu lhaggaghey er y raad, as coayl nyn gree.