Noo Mark 2:1 - Yn Conaant Noa 1810

¹ As laghyn ny lurg shen, hie eh reesht gys Capernaum, as ve er ny insh magh dy row eh ayns y thie.

Yn Vible Casherick 1775 1819

¹ As laghyn ny lurg shen, hie eh reesht gys Capernaum, as ve er ny insh magh dy row eh ayns y thie.

Noo Mark 2:1 ပူးပေါင်းရင်းမြစ်များ

Noo Mian 4:13

As faagail Nazareth, haink eh dy chummal ayns Capernaum, ta rish oirr ny marrey, rish ardjyn Zabulon as Nepthalim:

Noo Mian 9:1

As ghow eh lhuingys, as hioïll eh harrish, as haink e gys ard‐valley hene.

Noo Mark 1:45

Agh hie eh roish, as ren eh toshiaght dy hoilshaghey magh as dy skeayley mygeayrt yn chooish, ayns wheesh as nagh dod Yeesey goll ny smoo dy foshlit gys yn ard‐valley, agh v’eh mooie ayns ynnydyn faasagh: as haink ad huggey veih dy chooilley ard.

Noo Mark 2:2

As chelleeragh va ymmodee er nyn jaglym cooidjagh, ayns wheesh as nagh row room dy ghoaill ad, wheesh as mygeayrt y dorrys: as ren eh yn goo y phreacheil daue.

Noo Mark 3:20

As va’n pobble er nyn jaglym cooidjagh reesht, myr shen nagh row wheesh caa oc dy ghoaill beaghey.

Noo Mark 7:17

As tra v’eh er n’gholl stiagh ayns y thie veih’n pobble, dênee e ostyllyn jeh mychione y coraa‐dorraghey.

Noo Mark 7:24

As hrog eh er veih shen, as jimmee eh gys ardjyn Tyre as Sidon, as hie eh stiagh ayns thie, as cha baillish fys y ve ec dooinney erbee er, agh cha dod eh ve keillit.

Noo Mark 9:28

As tra v’eh er jeet stiagh ayns y thie, dênee e ostyllyn jeh er‐lheh, Cre’n‐oyr nagh voddagh shin y chastey eh?

Noo Luke 4:23

As dooyrt eh roo, Jir shia ayns shickyrys yn chenn raa shoh rhym, Er‐lhee, jean oo hene y lheihys: cre‐erbee ta shin er chlashtyn va jeant ayns Capernaum, jean myrgeddin ayns shoh ayns dty heer hene.

Noo Luke 5:18

As cur‐my‐ner, hug sleih lhieu ayns lhiabbee dooinney va ching jeh’n palsee: as v’ad shirrey y chur lhieu stiagh eh, dy hoiaghey eh kiongoyrt rish.

Noo Ean 4:47

Tra cheayll eh dy row Yeesey er jeet veih Judea gys Galilee, hie eh huggey, as ghuee eh er, Eh dy heet neose dy lheihys e vac: son v’eh raad y vaaish.

Jannoo 2:6

Nish tra hie yn skeeal jeh shoh magh, haink y pobble cooidjagh, as v’ad fo atchim erskyn‐towse, er‐yn‐oyr dy row dy chooilley ghooinney clashtyn ad loayrt ayns glare e ghooie hene.