Noo Mark 16:20 - Yn Conaant Noa 1810

²⁰ As hie ad magh, as ren ad preacheil dy chooilley raad, y Chiarn gobbraghey mâroo; as jannoo yn goo breeoil liorish ny mirrillyn va goll lesh. Amen.

Yn Vible Casherick 1775 1819

²⁰ As hie ad magh, as ren ad preacheil dy chooilley raad, yn Chiarn gobbraghey mâroo; as jannoo yn goo breeoil liorish ny mirrilyn va goll lesh. Amen.

Noo Mark 16:20 ပူးပေါင်းရင်းမြစ်များ

Noo Mark 16:19

Myr shen erreish da’n Chiarn v’er loyart roo, v’eh er ny ghoaill seose gys niau, as hoie eh er laue yesh Yee.

Noo Luke 1:1

Son wheesh as dy vel ymmodee er ghoaill ayns laue dy chur coontey cairagh jeh ny reddyn ta dy firrinagh er nyn gredjal nyn mast’ ain.

Noo Luke 1:2

Eer myr hoilshee ad dooinyn ad, va er‐dyn toshiaght nyn veanishyn sooilley as nyn shirveishee jeh’n ghoo.

Jannoo 14:3

Ry‐foddey dy earish er‐y‐fa shen duirree ad ayns shen loayrt dy dunnal ayns y Chiarn, ren feanish y ymmyrkey gys goo e ghrayse hene, coyrt daue pooar cowraghyn as yindyssyn dy ve jeant liorish ny laueyn oc.

Jannoo 4:30

Liorish sheeyney magh dty laue dy lheihys: as dy vod cowraghyn as yindyssyn v’er nyn yannoo liorish ennym dty lhiannoo casherick Yeesey.

Jannoo 5:12

As liorish laueyn ny hostyllyn va ymmodee cowraghyn as yindyssyn er nyn yannoo mastey’n pobble; (as v’ad ooilley lesh un aigney ayns phorch Solomon.

Romanee 15:19

Trooid cowraghyn niartal as yindyssyn, liorish pooar Spyrryd Yee; myr shen voish Jerusalem, as ooilley mygeayrt Illyricum, ta mee dy slane er phreacheil sushtal Chreest.

2 Corinthianee 6:1

Ta shinyn eisht, myr firchoo‐nee mârishyn, guee erriuish myrgeddin, nagh jean shiu grayse Yee y ghoaill ayns fardail:

Hebrewnee 2:3

Kys oddys shinyn scapail, my nee mayd mee‐rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;

Hebrewnee 2:4

Jee myrgeddin gymmyrkey feanish lhieu, chammah liorish cowraghyn as yindyssyn, as lesh ymmodee mirrillyn, as giootyn y Spyrryd Noo, cordail rish e aigney hene?