Noo Mark 16:19 - Yn Conaant Noa 1810

¹⁹ Myr shen erreish da’n Chiarn v’er loyart roo, v’eh er ny ghoaill seose gys niau, as hoie eh er laue yesh Yee.

Yn Vible Casherick 1775 1819

¹⁹ Myr shen erreish da’n Chiarn v’er loayrt roo, v’eh er ny ghoaill seose gys niau, as hoie eh er laue yesh Yee.

Noo Mark 16:19 ပူးပေါင်းရင်းမြစ်များ

Noo Mark 16:20

As hie ad magh, as ren ad preacheil dy chooilley raad, y Chiarn gobbraghey mâroo; as jannoo yn goo breeoil liorish ny mirrillyn va goll lesh. Amen.

Noo Luke 22:69

Ny lurg shoh nee Mac y dooinney soie er laue yesh pooar Yee.

Noo Luke 9:51

As haink eh gy‐kione, myr va’n traa tayrn er‐gerrey dasyn dy ve goit seose, dy row eh dy shickyr kiarit er soiaghey e eddin dy gholl gys Jerusalem.

Noo Ean 13:1

Nish, roish feailley ny Caisht, as fys ec Yeesey, dy row yn oor echey er jeet, tra v’eh dy gholl ass y theihll shoh gys yn Ayr, myr v’eh graihagh er e vooinjer hene, va ayns y theihll, hug eh graih daue gys y jerrey.

Noo Ean 16:28

Haink mee magh veih’n Ayr, as ta mee er jeet gys y theihll: reesht, ta mee faagail y seihll, as goll roym gys yn Ayr.

Noo Ean 17:13

As nish ta mee cheet hood’s, as ny reddyn shoh ta mee dy loayrt ayns y theihll, dy vod y boggey aym’s y ve oc jeant magh ayndoo hene.

Noo Ean 20:17

Dooyrt Yeesey r’ee, ’Ny benn rhym; son cha vel mee foast er gholl seose gys myr Ayr; agh gow gys my vraaraghyn, as abbyr roo, Ta mee goll seose gys my Ayr’s as yn Ayr euish, as gys my Yee’s as y Jee euish.

Noo Ean 21:15

Myr shen tra v’ad erreish bee, dooyrt Yeesey rish Simon Peddyr, Simon mac Yonas, vel oo ny s’graihee orrym’s na orroo shoh? Dooyrt eh rish, Ta mee, Hiarn; ta fys ayd dy vel graih aym ort. Dooyrt eh rish, Jeeagh dy mie da my eayin.

Noo Ean 21:22

Dooyrt Yeesey rish, My she m’aigney’s eh eshyn dy uirriaght derrey hig‐ym, cre ta shen dhyt’s? Eiyr uss orrym’s.

Noo Ean 6:62

Cre my hee shiu Mac y dooinney goll seose raad v’eh roïe?

Jannoo 1:22

Goaill toshiaght veih bashtey Ean derrey’n laa v’eh er ny ghoaill seose voïn, shegin da fer ve ny eanish mârin jeh’n irree‐seose‐reesht echey.

Jannoo 2:33

Shen‐y‐fa myr t’eh er ny ghoaill seose liorish laue‐yesh Yee, as er gheddyn veih yn Ayr gialdyn yn Spyrryd Noo, t’eh er gheayrtey magh shoh ta shiuish nish fakin as clashtyn.

Jannoo 3:21

Eshyn ta dy ve ayns niau, derrey earishyn lhiassaghey dy chooilley nhee, ta Jee er loayrt liorish beeal ooilley e adeyryn crauee, er‐dy hoshiaght y theihll.

Romanee 8:34

Quoi eh ta deyrey? she Creest hooar baase, ny sodjey, t’er n’irree reesht, ta eer ec laue yesh Yee, as ta myrgeddin loayrt ayns y lieh ain.

Colossianee 3:1

My ta shiuish eisht er n’irree marish Creest, shir‐jee ny reddyn shen ta er nyn skyn, raad ta Creest ny hoie er laue yesh Yee.

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

Hebrewnee 1:3

Myr v’eh sollyssid e ghloyr, as eer co‐chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard‐ooashley ayns yn yrjid:

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

Hebrewnee 4:14

Fakin dy vel ain eisht ard‐saggyrt ooasle, t’er n’gholl stiagh ayns ny niaughyn, Yeesey Mac Yee, lhig dooin cummal shickyr nyn gredjue.

Hebrewnee 6:20

Raad ta’n chiaghter hie roïn er n’gholl stiagh er nyn son, dy jarroo Yeesey, jeant ny ard‐saggyrt son dy bragh myr va Melchisedec.

Hebrewnee 7:26

Son va lheid yn ard‐saggyrt shoh cooie er nyn son, ta casherick, gyn loght, glen, scarrit voish peccee, as jeant ny syrjey na ny niaughyn;

Hebrewnee 8:1

Nish mychione ny reddyn ta shin er loayrt, shoh’n bun: Ta lheid yn ard‐saggyrt ain, ta soit er laue yesh stoyl‐reeoil yn ard‐ooashley ayns ny niaughyn;

Hebrewnee 9:24

Son cha vel Creest er n’gholl stiagh ayns ny ynnydyn casherick jeant lesh laueyn, ta co‐chaslyslyn jeh’n ynnyd firrinagh; agh ayns niau hene, nish dy hassoo ayns fenish Yee er nyn son:

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard‐reillyn, as pooaraghyn er nyn injillaghey.