Noo Mark 16:14 - Yn Conaant Noa 1810

¹⁴ Ny lurg shen hoilshee eh eh‐hene da’n un ostyl yeig, myr v’ad nyn soie ec bee, as hooar eh foill daue son y vee‐credjue as y chreoghys cree oc, er‐yn‐oyr nagh ren ad credjal adsyn v’er vakin eh, erreish da v’er n’irree.

Yn Vible Casherick 1775 1819

¹⁴ Ny lurg shen hoilshee eh eh-hene da’n un ostyl yeig, myr v’ad nyn soie ec bee, as hooar eh foill daue son y vee-chredjue as y chreoghys cree oc, er-yn-oyr nagh ren ad credjal adsyn v’er vakin eh, erreish da v’er n’irree.

Noo Mark 16:14 ပူးပေါင်းရင်းမြစ်များ

Noo Mian 11:20

Eisht ren eh toshiaght dy phlaiynt er ny ard‐valjyn, ayndoo va’n chooid smoo jeh e obbraghyn yindyssagh er nyn yannoo, er‐yn‐oyr nagh ghow ad arrys.

Noo Mian 17:20

Dooyrt Yeesey roo, Kyndagh rish nyn gredjue moal: son dy firrinagh ta mee gra riu, Dy beagh nyn gredjue wheesh grine dy rass mustard, jirragh shiu rish y slieau shoh, Scugh veih shoh noon gys shid, as nee eh scughey: as cha bee nhee erbee ro‐ghoillee diu.

Noo Mian 28:17

As tra honnick ad eh, hug ad ooashley da: agh va paart jeu fo mee‐ourys.

Noo Mark 7:18

As dooyrt eh roo, Vel shiuish myrgeddin lesh cha beg dy hushtey? nagh vel shiu foast cur tastey, cre‐erbee veih cheu‐mooie ta goll stiagh ayns y dooinney, nagh vod eh jannoo neu‐ghlen jeh,

Noo Luke 24:11

As ghow ad y ghlare oc myr skeeal branlaadee, as cha dug ad geill daue.

Noo Luke 24:25

Eisht dooyrt eh roo, O shiuish gheiney mee‐hushtagh, as faase‐chredjuagh, nagh vel goaill baght jeh ooilley ny ta ny phadeyryn er loayrt!

Noo Ean 20:25

Dooyrt ny ostyllyn elley er‐y‐fa shen rish, Ta shin er vakin y Chiarn. Agh dooyrt eshyn roo, Mannagh vaikym ayns ny laueyn echey ynnyd ny treinaghyn, as mannagh derrym my vair ayns ynnyd ny treinaghyn, as my laue y choyrt stiagh ayns e lhiattee, cha greidym.

Noo Ean 20:26

As lurg hoght laa reesht va ny ostyllyn echey sthie, as Thomase mâroo: eisht haink Yeesey, as ny dorryssyn dooint, as hass eh kiongoyrt roo, as dooyrt eh, Shee dy row hiu.

Noo Ean 20:27

Eisht dooyrt eh rish Thomase, Sheeyn ayns shoh dty vair, as loaghtee my laueyn; as sheeyn dty laue, as cur ee stiagh ayns my lhiattee: as ny bee mee‐chredjuagh, agh credjuagh.

Noo Ean 21:1

Lurg shoh hoilshee Yeesey eh hene reesht da ny ostyllyn, ec faarkey Tiberias; as er yn aght shoh hoilshee eh eh‐hene.

Noo Ean 21:14

Shoh nish yn trass cheayrt hoilshee Yeesey eh hene da e ostyllyn, erreish da v’er n’irree veih ny merriu.

Jannoo 1:3

Dauesyn myrgeddin hoilshee eh eh‐hene bio lurg e vaase, liorish ymmodee cowraghyn firrinagh, ayns dy row eh er ny akin lioroo da‐eed laa, as dy loayr eh jeh reddyn va bentyn rish, reeriaght Yee.

1 Corinthianee 15:5

As dy row eh er ny akin liorish Cephas, eisht liorish y daa ostyl yeig.

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er‐y‐fa shen, as gow‐arrys.